ازەربايجان پرەزيدەنتى يلحام الييەۆ قازاقتىڭ كورنەكتى اقىنى ولجاس سۇلەيمەنوۆتى «شاراف» وردەنىمەن ماراپاتتادى، دەپ حابارلايدى almaty-akshamy.kz قازتاگ-قا سىلتەمە جاساپ.
پرەزيدەنت يلحام الييەۆ ولجاس سۇلەيمەنوۆتى ازەربايجان حالقىنىڭ ۇلكەن دوسى، باۋىرلاس قازاقستان مادەنيەتىنىڭ ءىرى وكىلى، قوعام قايراتكەرى رەتىندە بىلەتىنىن اتاپ وتكەن. اقىننىڭ بارلىق ماسەلەدە ءوزىنىڭ ءپرينسيپتى ۇستانىمىن ءبىلدىرىپ، ازەربايجانعا ءارقاشان قولداۋ كورسەتكەنىن باسا جەتكىزگەن. ول سونداي -اق، ولجاس سۇلەيمەنوۆتىڭ ازەربايجان مەن ارمەنيا اراسىنداعى شيەلەنىستى شەشۋدە دە ءارقاشان قولداۋ كورسەتكەنىن ايتقان.
يلحام الييەۆ كورنەكتى اقىن ەڭ قيىن كەزدەردە دە ءوز تامىرىنا، حالقىنا ادال بولعانىن جانە قازاقستاننىڭ تابىستى دامۋى ءۇشىن ءبارىن جاساعانىن اتاپ وتكەن.
بۇل رەتتە ازەربايجان پرەزيدەنتى ولجاس سۇلەيمەنوۆ پەن گەيدار الييەۆ اراسىنداعى دوستىق قارىم-قاتىناس پەن كەزدەسۋلەردى ەسكە ءتۇسىرىپ، ولجاس سۇلەيمەنوۆتى تالانتى مەن قوعامدىق بەلسەندىلىگى ءۇشىن قۇرمەتتەيتىنىن دە جەتكىزدى.
ال ءوز كەزەگىندە بەلگىلى اقىنىمىز، تۇركى الەمى ەلدەرىن شوعىرلاندىرۋ، تۇركىتىلدەس مەملەكەتتەر اراسىنداعى ىنتىماقتاستىقتى نىعايتۋدا كۇش-جىگەرىن جۇمساپ جۇرگەن كورنەكتى تۇلعا ولجاس سۇلەيمەنوۆ ءازىربايجاندىق «شاراف» وردەنىمەن ماراپاتتالعانىن ماقتان تۇتاتىنىن اتاپ ءوتىپ، يلحام الييەۆكە ريزاشىلىعىن بىلدىرگەن.