ماڭعىستاۋلىق جاس انا ون ەكىنشى ءسابيىن دۇنيەگە اكەلدى

انا مەن ءسابيدىڭ جاعدايى تۇراقتى

ماڭعىستاۋ وبلىسى مۇنايلى اۋدانىندا تۇراتىن وتباسىنىڭ ون ەكىنشى ءسابيى دۇنيەگە كەلدى، دەپ حابارلايدى Almaty-akshamy.kz قازاقپارات-قا سىلتەمە جاساپ. 

«اينۇر جۇمانبەتوۆا ۇل بالانى تابيعي جولمەن دۇنيەگە اكەلدى. نارەستەنىڭ سالماعى – 3 كەلى 770 گر، بويى – 55 سم. انا مەن ءسابيدىڭ جاعدايى تۇراقتى بولعاندىقتان، ۇيىنە شىعارىلدى»، - دەدى «انا مەن بالا» ورتالىعىنىڭ ديرەكتورى جاپىراق ەپەنوۆا. 

كوپ بالالى انا 18 جاسىندا تۇرمىسقا شىققان. وتباسىنىڭ وسىعان دەيىن 7 ۇل، 4 قىزى بار ەدى. ولار 12-پەرزەنتىنە مۇحاممەد-امين دەپ ات قويىپتى. قاراپايىم جانۇيا بىلتىر مەملەكەت باعدارلاما اياسىندا ارەندالىق پاتەر العان.

«وتاعاسىنىڭ ايلىعى جانە بالالاردىڭ جاردەماقىسىمەن ەل قاتارلى كۇن كەشىپ كەلەمىز. تۇڭعىشىم 17 جاسقا تولادى. بيىل 11-سىنىپ وقيدى. اسكەري قىزمەتكەر بولۋدى جوسپارلاپ وتىر. ەكىنشى ۇل 9-سىنىپ ءبىتىرىپ، كوللەدجگە قۇجات تاپسىرىپ جاتىر. كىشىسى 1 جارىم جاستا. جولداسىم دا، ءوزىم دە كوپ بالالى وتباسىنان شىققانبىز. ەندى بالالارىمىزعا جاقسى ءبىلىم، تاربيە بەرىپ، ەلگە قامقور ازامات قىلىپ وسىرسەك، ارمانىمىز جوق. اللا بەرىپ جاتسا، ءالى دە بالا تۋۋعا دايىنمىن»، – دەيدى اينۇر جۇمانبەتوۆا.

ايتا كەتەيىك، وتبسىندا ەگىز نەمەسە ۇشەم جوق. بۇعان دەيىن ماڭعىستاۋ وبلىسىندا جىل باسىنان بەرى ەكىنشى ۇشەم دۇنيەگە كەلگەن ەدى.