ءۇش ماڭىزدى باعىت ايتىلدى
مەملەكەت باسشىسى قاسىم-جومارت توقايەۆ بەينەجازبا ارقىلى «AMANAT» جاستار قاناتىنىڭ كەزەكتەن تىس VI سەزىنە قاتىسۋشى دەلەگاتتارعا قۇتتىقتاۋ ءسوز ارناپ، ەل جاستارىنا ارنايى ۇندەۋ جولدادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
پرەزيدەنت ۇندەۋدە جاڭا قازاقستاننىڭ جاستارى ايرىقشا تۇسىنۋگە ءتيىس ءۇش ماڭىزدى باعىتتى اتادى. بىرىنشىدەن، مەملەكەت باسشىسىنىڭ ايتۋىنشا، بولاشاقتىڭ كىلتى سيفرلىق تەحنولوگيا مەن يننوۆاسيادا. ەكىنشىدەن، جاستار ادال ەڭبەكتى باعالاپ، رۋحى بيىك، ساناسى سەرگەك بولۋعا ءتيىس. جاڭا زاماننىڭ جاقسى قاسيەتتەرىن بويعا سىڭىرە وتىرىپ، جاھاندانۋدىڭ جاعىمسىز اسەرلەرىن دە ەستەن شىعارماۋ كەرەك. مەملەكەتتىك مۇددە بارىنەن بيىك تۇرۋى كەرەك ەكەنىن ايتا كەلىپ، پرەزيدەنت ءاربىر جاستى انا ءتىلىن، اتا ءداستۇرىن، ءتول تاريحىن بىلۋگە ۇندەدى. ۇشىنشىدەن، قاسىم-جومارت توقايەۆ تۋعان ەلگە قۇرمەت جالىندى سوزدەن ەمەس، جاسامپاز ىستەن كورىنەتىنىن، الدىنا ماقسات قويعان ازامات ناعىز مەملەكەتشىل تۇلعاعا اينالاتىنىن ەرەكشە اتاپ ءوتتى. «AMANAT» پارتياسىنىڭ جاستار قاناتىنا «جاستار رۋحى» دەگەن اتاۋ بەرىلگەنىن ايتقان بولاتىن.