سەنات دەپۋتاتتارى پرەمەر-مينيسترگە ساۋال جولدادى
2024 جىلدان باستاپ اۋىلدىق بيۋدجەتتەرگە قوسىمشا سالىقتار مەن تولەمدەر بەرىلەدى. بۇل جايىندا سەنات دەپۋتاتتارىنىڭ ساۋالىنا ق ر پرەمەر-مينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى Almaty-akshamy.kz قازاقپارات-قا سىلتەمە جاساپ.
«بيۋدجەت كودەكسىنە سايكەس بيۋدجەت پروسەسىندە وبلىستىق بيۋدجەتتىڭ اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەردىڭ بيۋدجەتتەرىمەن ءوزارا قارىم-قاتىناسىنا جول بەرىلمەيدى. بۇدان باسقا، بيۋدجەتارالىق قاتىناستار مەملەكەتتىك باسقارۋدىڭ دەڭگەيلەرى اراسىندا فۋنكسيالار مەن وكىلەتتىكتەر ارا جىگىنىڭ ايقىن اجىراتىلۋىنا، رەسپۋبليكالىق، وبلىستىق بيۋدجەتتەر، رەسپۋبليكالىق ماڭىزى بار قالالاردىڭ، استانانىڭ بيۋدجەتتەرى، اۋداندىق (وبلىستىق ماڭىزى بار قالالار) بيۋدجەتتەر، اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەردىڭ بيۋدجەتتەرى اراسىندا تۇسىمدەر مەن شىعىستاردىڭ بىركەلكى بولىنۋىنە، سونداي-اق بيۋدجەتارالىق ترانسفەرتتەردى ايقىنداۋ ادىستەرىنىڭ بىرلىگى مەن اشىقتىعىنا نەگىزدەلگەن»، - دەدى ۇكىمەت باسشىسى جاۋابىندا.
پرەمەر-مينيستردىڭ تۇسىندىرۋىنشە، ەكولوگيا كودەكسىنە سايكەس قورشاعان ورتاعا جاعىمسىز اسەر ەتكەنى ءۇشىن تولەماقى بويىنشا تۇسىمدەر جوسپارىن ۋاكىلەتتى ورگان بەكىتەتىن قورشاعان ورتانى قورعاۋ جونىندەگى ءىس-شارالارعا تولىعىمەن جىبەرىلەدى. وسىعان بايلانىستى بۇل تولەم 4ء-شى دەڭگەيدەگى بيۋدجەتكە بەرىلۋگە جاتپايدى. سونىمەن قاتار، بيۋدجەتتىڭ 4ء-شى دەڭگەيىنىڭ قارجىلىق مۇمكىندىكتەرىن كۇشەيتە وتىرىپ، جەرگىلىكتى ءوزىن-وزى باسقارۋدى (بۇدان ءارى – ءجوب) نىعايتۋ جالعاسۋدا. اۋىلدىق وكرۋگ اكىمى مەنشىك يەلەرىنىڭ جەر ۋچاسكەلەرىن ۇتىمدى جانە ماقساتتى پايدالانۋى ءۇشىن جاۋاپتىلىقتا بولاتىنىن ەسكەرە وتىرىپ، 2022 جىلدان باستاپ ءبىرىڭعاي جەر سالىعى، جەر ۋچاسكەلەرىن پايدالانعانى ءۇشىن تولەماقى، جەر ۋچاسكەلەرىن ساتۋدان تۇسەتىن تۇسىمدەر جانە جەر ۋچاسكەلەرىن جالداۋ قۇقىعىن ساتقانى ءۇشىن تولەماقى بيۋدجەتتىڭ ءتورتىنشى دەڭگەيىنە بەرىلدى.
«ءجوب دامىتۋدىڭ 2025 جىلعا دەيىنگى تۇجىرىمداماسىنا سايكەس جەرگىلىكتى ماڭىزى بار ماسەلەلەردى شەشۋ كەزىندە بيۋدجەتتىڭ 4-دەڭگەيىنىڭ جوعارى تۇرعان دەڭگەيدەن قارجىلىق تاۋەلدىلىگىن تومەندەتۋ كوزدەلگەن. تۇجىرىمدامادا 2024 جىلدان باستاپ اۋىلدىق بيۋدجەتتەرگە قوسىمشا سالىقتار مەن تولەمدەردى (سۋ رەسۋرستارىن پايدالانعانى ءۇشىن تولەماقى؛ جەكەلەگەن قىزمەت تۇرلەرىمەن اينالىسۋ قۇقىعى ءۇشىن ليسەنزيالىق الىم؛ جەكەلەگەن قىزمەت تۇرلەرىمەن اينالىسۋعا وتكىزۋ ارنالعان ليسەنزيالاردى پايدالانعانى ءۇشىن تولەماقى (الكوگول ءونىمىن ساقتاۋ جانە بويىنشا) بەرۋ كوزدەلگەن. وسىلايشا، قولدانىستاعى كىرىس كوزدەرى تۇسىمدەردىڭ قوسىمشا تۇرلەرىن بيۋدجەتتىڭ 4ء-شى دەڭگەيىنە بەرۋ ارقىلى ۇلعايادى. سونىمەن قاتار، اۋىلدىق وكرۋگتىڭ ۋچاسكەلىك پوليسەيلەرى سالاتىن ايىپپۇلدى اۋىلدىق وكرۋگتىڭ بيۋدجەتىنە بەرۋ جەرگىلىكتى بيۋدجەتتىڭ 4ء-شى دەڭگەيى كىرىس بولىگىنىڭ نىعايۋىنا قاراي ودان ءارى قارالاتىن بولادى»، - دەدى ءاليحان سمايىلوۆ.