ماڭعىستاۋ وبلىسىندا تاعى دا وقۋشىلار جاپپاي ۋلاندى، دەپ حابارلايدى aqshamnews.kz.
ءوڭىردىڭ دەنساۋلىق ساقتاۋ باسقارماسىنىڭ مالىمەتىنشە، مەكتەپ قابىرعاسىندا 16 بالا ۋلانىپ قالعان.
12 قىركۇيەكتە بەينەۋ اۋىلىندا جۇماعالي قالدىعارايەۆ اتىنداعى مەكتەپتىڭ وقۋشىلارى اۋداندىق جەدەل جاردەم بولىمىنە ءىش اۋرۋىنا شاعىمدانىپ كەلگەن.
قابىلداۋ بولىمىندە بالالارعا رەگيدراتاسيا پروسەدۋراسى (جوعالتقان سۋ مولشەرىن قالپىنا كەلتىرۋ) جاسالدى جانە ينفۋزيالىق تەراپيا جۇرگىزىلدى، ياعني بالالارعا سيستەما قويىلدى، - دەلىنگەن حابارلامادا.
بالالار سول كۇنى ۇيلەرىنە ورالعان. ال 13 قىركۇيەكتە قايتا ساباققا بارا باستاعان.
اۋداندىق سانيتاريالىق-ەپيدەميولوگيالىق باسقارما ماماندارى مەكتەپتەگى تاماق پەن اۋىز سۋدان سىناما الدى. ولاردى ساراپتاماعا جىبەردى.
ەستەرىڭىزگە سالا كەتەيىك، وقۋ جىلىنىڭ باسىندا مۇنايلى اۋدانىنىنىڭ بەسشوقى اۋىلىندا استان بالالار جاپپاي ۋلانعان ەدى. وسى جاعدايدى ۇكىمەتتىڭ ءوزى باقىلاۋعا العان بولاتىن.