الماتىدا كىتاپ الەمىنىڭ قىزىقتى وقيعالارى  الماتىنى جاۋلاپ الادى: قالا كۇنىنە ارنالعان بىرەگەي كۆەست 

15-17 قىركۇيەكتە تۇڭعىش پرەزيدەنت ساياباعىندا قىزىقتى ءارى تارتىمدى ادەبي شارا – قالا كۇنىن مەرەكەلەۋگە ارنالعان «كىتاپ وقيعالارى» اتتى كۆەست وتەدى. ساعات 10.00-دەن 18.00-گە دەيىن قوناقتاردى ينتەراكتيۆتى سىناقتار، كىتاپتار سيقىرى جانە ۇمىتىلماس ەموسيالار كۇتەدى، دەپ حابارلايدى aqshamnews.kz

«كىتاپ وقيعالارى» - بۇل جاي عانا ءىس-شارا ەمەس، بۇل بالالار مەن ولاردىڭ اتا-انالارى ءۇشىن تانىمال بالالار كىتابىنا نەگىزدەلگەن قىزىقتى كۆەستتەر ارقىلى ادەبيەت الەمىنە ەنۋدىڭ بىرەگەي مۇمكىندىگى. ءاربىر كۆەست قاتىسۋشىلاردى قىزىقتى تاپسىرمالاردى ورىنداۋعا جانە ولاردىڭ سۇيىكتى كەيىپكەرلەرىمەن كەزدەسىپ، كىتاپ سيۋجەتتەرىنە بايلانىستى جۇمباقتاردى شەشۋگە مۇمكىردىك بەرەدى.

كۆەست قاتىسۋشىلارى وزدەرىنىڭ  تانىمدىق مۇمكىندىكتەرىن سىناۋمەن قاتار، سەرىكتەستەرىمىزدەن لايىقتى ماراپاتتار – كىتاپتار مەن ارنايى سىيلىقتار الادى. سونداي-اق، ءىس-شارا اياسىندا «كىتاپ كەيىپكەرىنە اينالۋ» فوتوايماقتارى جۇمىس ىستەيدى، وندا اركىم ءوزىنىڭ سۇيىكتى ادەبي كەيىپكەرىنە اينالا الادى جانە فوتو ارقىلى وسى ءساتتى ەسىندە ساقتاي الادى.

«ءبىز مەكتەپ وقۋشىلارى مەن ولاردىڭ اتا-انالارىن «كىتاپ  وقيعالارى» كۆەستىنە شاقىرۋعا قۋانىشتىمىز. ءبىزدىڭ جوبا بالالار مەن ولاردىڭ تۋىستارىن كىتاپ  وقۋعا شابىتتاندىرىپ، ولاردىڭ الدىندا كلاسسيكالىق جانە زاماناۋي بالالار ادەبيەتىنىڭ قىزىقتى الەمىن اشۋعا كومەكتەسەدى. ءبىزدىڭ كۆەستىمىزدىڭ ءاربىر قاتىسۋشىسى جاڭا ءبىلىمدى، اسەردى جادىندا ساقتاپ، سۇيىكتى كىتابىن وزىمەن بىرگە الىپ كەتەدى»، - دەپ اتاپ ءوتتى الماتى كىتاپحانالارى.