ماڭعىستاۋدا ەرەكشە ەسىمدى پوليسەي قىزمەت ەتىپ ءجۇر. ونىڭ ەسىمى - پۋتين فايزۋللا، - دەپ حابارلايدى aqshamnews.kz ءتىلشىسى Lada.kz-كە سىلتەمە جاساپ.
پۋتين فايزۋللا 2003 جىلعى 24 قاڭتاردا اقتاۋدا دۇنيەگە كەلگەن. بۇل ەسىمدى وعان اجەسى قويعان ەكەن. ول كەزدە رەسەي فەدەراسياسىنىڭ پرەزيدەنتى بولىپ ۆلاديمير پۋتين تاعايىندالىپ، وسى وقيعادان شابىت العان اجەسى نەمەرەسىنە "پۋتين" دەپ ات قويعان.
پوليسەيدىڭ ايتۋىنشا، "پۋتين" ءسوزى كونە سلاۆيان تىلىنەن شىققان، "جول" دەگەندى بىلدىرەدى. بۇل تەك جاي جول ەمەس، سونداي-اق تابىسقا، كوشباسشىلىققا جانە ماقساتقا جەتۋ جولىنىڭ مەتافوراسى.
پۋتين ەسىمىنەن ەشقاشان ىڭعايسىزدىق كورمەگەنىن ايتادى. كەرىسىنشە، ونىڭ اتى ەستە وڭاي ساقتالادى جانە ادامداردا ءاردايىم جاعىمدى ەموسيا مەن كۇلكى تۋدىرادى.
فايزۋللا 2024 جىلدان بەرى ىشكى ىستەر ورگاندارىندا قىزمەت ەتەدى. ءقازىر ول مۇنايلى اۋدانىنداعى داۋلەت جانە جاڭا-داۋلەت اۋىلدارىندا ۋچاسكەلىك ينسپەكتوردىڭ كومەكشىسى بولىپ جۇمىس ىستەيدى.
ول ۇيلەنگەن، ەكى جاسار قىزى بار. بۇعان دەيىن ەركىن كۇرەسپەن اينالىسقان، سپورت شەبەرلىگىنە كانديدات.