قازاقستاننىڭ ءبىرىنشى راكەتكاسى ەلەنا رىباكينا بەيجىڭدەگى WTA 1000 تۋرنيرىنەن شىعىپ قالدى، - دەپ حابارلايدى aqshamnews.kz.
الەمدىك رەيتينگتە 10-ورىندا تۇرعان قازاقستاندىق تەننيسشى ەلەنا رىباكينا قىتايدىڭ بەيجىڭ قالاسىندا ءوتىپ جاتقان WTA 1000 ساناتىنداعى ءتۋرنيردىڭ ءۇشىنشى كەزەڭىندە (1/16 فينال) جارىس جولىنان شىعىپ قالدى.
ول الەمنىڭ 66-راكەتكاسى، گەرمانيا وكىلى ەۆا ليسكە قارسى ويناپ، 3:6، 6:1، 4:6 ەسەبىمەن جەڭىلىپ قالدى.
ويىن 2 ساعات 14 مينۋتقا سوزىلدى. وسى ۋاقىت ىشىندە رىباكينا سەگىز ەيس جاساپ، بەس قوس قاتە جىبەردى جانە توعىز برەيك-پوينتتىڭ جەتەۋىن پايدالاندى. ال قارسىلاسى ءبىر ەيس ورىنداپ، بەس قوس قاتە جىبەردى جانە 19 برەيك-پوينتتىڭ التاۋىن ءساتتى جۇزەگە اسىردى.