الەۋمەتتىك جەلىلەردە ماڭعىستاۋ وبلىسىنداعى شەكارا زاستاۆاسىندا بيىل كوكتەمدە اسكەرگە شاقىرىلعان سارباز قازا بولعانى تۋرالى اقپارات تارادى، - دەپ حابارلايدى اqshamnews.kz ءتىلشىسى.
وقيعا 7 قازاندا "ءۇستىرت" شەكارا زاستاۆاسىندا بولعان. ءبولىم كومانديرىنىڭ تاپسىرماسىمەن اسكەري قىزمەتشى ديزەل-گەنەراتور رادياتورىن جۋۋ ءۇشىن بەنزين اكەلۋ ماقساتىندا قويماعا بارعان.
تاپسىرمانى ورىنداۋ كەزىندە سارباز جانارماي بۋىنا ۋلانىپ، ەسىنەن تانىپ قالعان. شامامەن 10 مينۋتتان كەيىن جەردە جاتقان كۇيدە تابىلعان. سارباز زارداپ شەككەن قىزمەتشىگە كومەك كورسەتۋگە تىرىسقان، الايدا ول كوز جۇمعان.
ۇقك باسپا ءسوز قىزمەتى اسكەري قىزمەتشىنىڭ قازا بولعانى تۋرالى اقپاراتتى راستادى.
"ماڭعىستاۋ وبلىسى بويىنشا شەكارا قىزمەتى دەپارتامەنتىندە قايعىلى جاعداي بولدى، مەرزىمدى قىزمەتتەگى اسكەري قىزمەتشى قازا تاپتى. الدىن الا مالىمەت بويىنشا، قايعىلى وقيعاعا تەحنيكالىق جۇمىستار كەزىندە قاۋىپسىزدىك شارالارىنىڭ ساقتالماۋى سەبەپ بولعان"، – دەپ حابارلادى ۇقك.
ۆەدومستۆونىڭ مالىمەتىنشە، پوليسيا ورگاندارى قىلمىستىق ءىس قوزعاعان، قوسىمشا قىزمەتتىك تەكسەرىس تە جۇرگىزىلىپ جاتىر.
"ۇقك شەكارا قىزمەتى قازا بولعان ساربازدىڭ تۋعان-تۋىستارى مەن جاقىندارىنا قايعىرىپ، كوڭىل ايتادى"، – دەلىنگەن باسپا ءسوز قىزمەتىنىڭ حابارلاماسىندا.