كوككە ورانعان الماتىنىڭ كەيبىر اعاشى حالىقارالىق دوستىقتىڭ جەمىسى ەكەنىن بىلەسىز بە؟ اسىرەسە ساكۋرالارعا توقتالساق، بۇل - جاپون حالقى مەن الماتىلىقتاردىڭ اراسىنداعى ديپلوماتيانىڭ ايعاعى. قالادا مۇنداي قانشا اعاش بار؟ ونى الماتىعا كىم سىيلادى؟ تولىعىراق aqshamnews.kz ماتەريالىندا.
ەسەنتاي جاعاسىنداعى 100 ساكۋرا
2019 جىلى ەسەنتاي وزەنى بويىندا ساكۋرالار جايقالىپ شىعا كەلدى. جاپونيانىڭ Tokyo Rope International كومپانياسى الماتىعا ەرەكشە سىي جاسادى. سول جىلى كومپانيا پرەزيدەنتى ساتو كازۋنوري باستاعان دەلەگاسيا ءوز قولىمەن 100 ساكۋرا كوشەتىن وتىرعىزدى.
ونكولوگيا ينستيتۋتىنداعى ساكۋرا باعى
2022 جىلى قازورعزي اۋماعىندا دا ساكۋرالار ەگىلدى. بۇل جولى بيوفارماسيەۆتيكالىق الپاۋىت – Takeda Kazakhstan دەمەۋشىلىك كورسەتتى. ساكۋرالارمەن قاتار 50-گە جۋىق بۇتالار ەگىلدى: ولاردىڭ ىشىندە حوست گ ۇلى، ارشا، ۆانگۋت سپيرەياسى، قىزىل ءبورىقاراقات، راۋشان، گورتەنزيا سياقتى ساندىك وسىمدىكتەر بار.
ساتبايەۆ ساكۋراسى
بيىل عىلىم كۇنىندە ۇلتتىق عىلىم اكادەمياسىنىڭ اۋلاسىندا ەرەكشە سيمۆوليكالىق وقيعا بولدى – «ساتبايەۆ ساكۋراسى» قايتا وتىرعىزىلدى. بۇل اعاشتار 1960-جىلدارى اكادەميك قانىش ساتبايەۆقا جاپون دەلەگاسياسى سىيلاعان العاشقى ساكۋرالاردىڭ تاريحي جالعاسى. جاڭا وتىرعىزىلعان تۇرلەر – Kanzan مەن Kiku-Shidare – عىلىم مەن مادەنيەتتىڭ بايلانىسىن بىلدىرەتىن ەسكەرتكىش.
تۇڭعىش پرەزيدەنت ساياباعىنداعى جاپون باعى
2015 جىلى تۇڭعىش پرەزيدەنت ساياباعىندا “جاپون باعى” اشىلدى. مۇندا ساكۋرالارمەن بىرگە جاپون ۇيەڭكىلەرى مەن قىرىم قاراعايلارى وتىرعىزىلعان. ءار ەلەمەنت – مۇقيات تاڭدالعان: تاستار، سۋ اعىسى، وسىمدىكتەر – ءبارى جاپون مادەنيەتىنىڭ ءبىر بولشەگى ىسپەتتى.
ايتا كەتەيىك، الماتىلىقتار دا قالانى كوگالداندىرۋعا بەلسەندى قاتىسادى. بيىلعى كوكتەمگى سەنبىلىكتە الماتىدا 10 مىڭ ءتۇپ اعاش وتىرعىزىلدى. ەسەنتاي وزەنىنىڭ بويىنا الما مەن المۇرتتىڭ كوپجىلدىق كوشەتتەرى ەگىلدى.