ۇكىمەت باسشىسىنىڭ 2025 جىلعى 5 مامىرداعى قاۋلىسىمەن جەرگىلىكتى مەملەكەتتىك باسقارۋدىڭ بازالىق قۇرىلىمىنا وزگەرىستەر ەنگىزىلدى، دەپ حابارلايدى aqshamnews.kz
"قازاقستان رەسپۋبليكاسىنىڭ جەرگىلىكتى مەملەكەتتىك باسقارۋ بازالىق قۇرىلىمىن بەكىتۋ تۋرالى جانە ۇكىمەتتىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى" ۇكىمەتتىڭ 2013 جىلعى 18 ماۋسىمداعى № 608 قاۋلىنىڭ "وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمدىگى" دەگەن ءبولىمى 27-تارماقپەن تولىقتىرىلدى.
"بالالاردىڭ قۇقىعىن قورعاۋ باسقارماسى، سونداي-اق وعان ەسەپ بەرەتىن جانە ونىڭ باقىلاۋىندا بولاتىن، اۋدانداردا، وبلىستىق ماڭىزى بار قالالاردا، رەسپۋبليكالىق ماڭىزى بار قالالاردا، استانادا ورنالاساتىن بالالاردىڭ قۇقىقتارىن قورعاۋ بولىمدەرى"، - دەلىنگەن قۇجاتتىڭ ماتىنىندە.