ءمانداريندى تۇتىنۋ كىمدەرگە ءقاۋىپتى؟

نۋتريسيولوگ: اس قورىتۋ جۇيەسىندە پروبلەماسى بار ادامدارعا ماندارين ءقاۋىپتى بولۋى مۇمكىن

ءمانداريننىڭ قۇرامى پايدالى دارۋمەندەرگە تولى، الايدا ول كەيبىر ادامدار ءۇشىن ءقاۋىپتى جەمىس بولۋى مۇمكىن. اس قورىتۋ جۇيەسى اۋرۋلارىمەن اۋىراتىن، جانە ەكى جاسقا دەيىنگى بالالارعا ونى جەۋدە اباي بولعان ءجون. بۇل تۋرالى نۋتريسيولوگ ءارى فيتنەس-جاتتىقتىرۋشى ناتاليا كۋشنير ايتتى، دەپ حابارلايدى Almaty-akshamy.kz Lenta.ru-عا سىلتەمە جاساپ. 

ساراپشى گاستريت، كوليت، اسقازان جاراسى بار ادامدارعا بۇل جەمىستەردى وپىرىپ جەمەۋگە كەڭەس بەردى. ولار ۇيقى بەزى مەن ءوت قابىنىڭ پروبلەمالارى بار بولسا، زيانىن تيگىزۋى مۇمكىن.

«مانداريندەر B، P، K، D توبىنداعى دارۋمەندەرگە باي كەلەدى، ولاردىڭ قۇرامىندا كالسيي، ماگنيي جانە كاليي بار. سونىمەن بىرگە بۇل جەمىستەر كەرەمەت انتيدەپريسسانت بولىپ تابىلادى. ءدامى عانا ەمەس، ءتۇسى مەن ءيىسى دە كەرەمەت، بىردەن مەرەكەنى ەسكە تۇسىرەدى»، - دەپ اتاپ ءوتتى مامان.

نۋتريسيولوگ سيترۋس جەمىستەرى كوبىنە اللەرگيا تۋدىراتىنىن جانە  مەرەكە كەزىندە بۇل ءونىمدى شەكتەن تىس جەۋدەن ساق بولۋدى ەسكە سالدى. 

ال بۇعان دەيىن ديەتولوگ ميحايل گينزبۋرگ D دارۋمەنىنە باي اس COVID-19-بەن اۋىرىپ، جازىلعاندار ءۇشىن دەنساۋلىقتى قالپىنا كەلتىرۋدە ءتيىمدى اسەر ەتەتىنىن ايتقان ەدى. ساراپشىنىڭ ايتۋىنشا، تەڭىز بالىعى، مىسالى، سكۋمبريا مەن مايشاباقتىڭ D دارۋمەنىنە باي كەلەدى. ول تاماقتانۋ راسيونىندا قابىنۋعا قارسى اسەرى بار ازىق-تۇلىكتەر: نان، استىق جارمالارى، جاڭعاق پەن اشىمال ءسۇت ونىمدەرى بولۋى كەرەكتىگىن اتاپ ءوتتى.