الماتى يندۋستريالدى ايماعىندا اينەك ىدىستار شىعاراتىن زاۋىت سالىنۋدا.
ونىڭ قۇرىلىسى 2022 جىلدىڭ كۇزىنە قاراي اياقتالۋى ءتيىس. جوسپار بويىنشا كاسىپورىن جىل سايىن 140 ملن.-عا جۋىق اينەك بۇيىمدارىن شىعارا وتىرىپ، شامامەن 300 ادامدى جۇمىسپەن قامتىماق. سونداي-اق، ەل بيۋدجەتىنە 1 ملرد. تەڭگە سالىق اۋدارۋدى كوزدەيدى.
الماتى يندۋستريالدى ايماعىنىڭ اۋماعىندا ورنالاسقان جەر تەلىمىنىڭ الاڭى 4 گەكتاردى قۇرايدى. ءقازىر مۇندا قۋات بەرۋ، گاز، سۋ جەتكىزۋ، كارىز جەلىلەرىن جۇرگىزۋ جانە جۇكتەردى تاسىمالداۋ ءۇشىن تەمىرجولعا باراتىن جولعا ارنالعان كوممۋنيكاسيا جەلىلەرىن جۇرگىزۋ بويىنشا بەلسەندى جۇمىستار جۇرگىزىلىپ جاتىر. بۇدان باسقا، ءقازىر اۋماقتا زاۋىتتىڭ نەگىزگى عيماراتىنىڭ ءبىرى سالىندى. ينۆەستيسيانىڭ جالپى كولەمى 2،5 ملرد. تەڭگەدەن استام سومانى قۇرايدى.
بۇگىنگى كۇنى رەسپۋبليكادا رەسەيدەن اينەك ىدىستارىنىڭ (بوتەلكە، بانكى جانە مەديسينالىق ىدىستار) شامامەن 50%-ى يمپورتتالادى. ەگەر ءبىز ايتىپ وتىرعان زاۋىت ىسكە قوسىلاتىن بولسا، يمپورتتىڭ 15-20%-عا تومەندەۋى مۇمكىن دەگەن بولجام بار.
كەلەشەكتە كومپانيا ءونىمنىڭ ەكسپورتىن جاقىن شەت ەلدەرگە، ونىڭ ىشىندە قىرعىزستانعا، وزبەكستانعا جانە تاجىكستانعا ەكسپورتتاۋ مۇمكىندىگىن قاراستىرۋدا.