رامازان ايىندا انگليانىڭ ايگىلى فۋتبول كلۋبى "مانچەستەر سيتي" مۇسىلمان قاۋىمداستىعىنا اۋىزاشار بەرۋ ءداستۇرىن جالعاستىرىپ، "ەتيحاد" ستاديونىندا قاسيەتتى ايدا يگى شارا وتكىزدى. بۇل باستاما كلۋبتىڭ الەۋمەتتىك جاۋاپكەرشىلىگى مەن ءتۇرلى ەتنيكالىق جانە ءدىني توپتار اراسىنداعى بىرلىكتى نىعايتۋعا باعىتتالعان، دەپ حابارلايدى aqshamnews.kz
قالالىقتار بۇل ءداستۇردى 4 جىل قاتارىنان جالعاستىرۋدا. ءار جىلى اۋىزاشارعا قاتىسۋشىلار سانى ارتىپ، بيىل 120 ادام جينالدى. شاراعا كلۋب قىزمەتكەرلەرى، فۋتبولشىلار جانە جەرگىلىكتى مۇسىلمان قاۋىمداستىعىنىڭ وكىلدەرى قاتىستى. ولار ءبىر داستارحان باسىندا جيناقتالىپ، رامازان ايىنىڭ قاسيەتىن بىرگە سەزىنىپ، تىلەكتەرىن ءبىلدىردى.
"مانچەستەر سيتي" كلۋبى بۇل ءىس-شارا ارقىلى ءوز جانكۇيەرلەرىمەن جانە قوعاممەن بايلانىستى نىعايتىپ، مادەني جانە ءدىني ارتۇرلىلىكتى قۇرمەتتەپ كەلەدى. مۇنداي باستامالار تەك سپورت الەمىندە عانا ەمەس، الەۋمەتتىك دەڭگەيدە دە ماڭىزدى ءرول اتقارىپ، ادامدار اراسىنداعى ىنتىماقتاستىقتى ارتتىرادى.