مامىردان بەرى ءبىرقاتار وڭىردە اۋا تەمپەراتۋراسىنا بايلانىستى جاڭا رەكورد تىركەلگەن

• 1 مامىردا ماڭعىستاۋ وبلىسىنىڭ اققۇدىق مەتەوستانسياسىندا ەڭ جوعارى اۋا تەمپەراتۋراسى +34،1°س تىركەلدى. وسىلايشا 2005 جىلعى رەكورد (+33،9°س) جاڭاردى؛


• سام مەتەوستانسياسىندا اۋا تەمپەراتۋراسى +32،5°س بولدى، سوڭعى رەت سول كۇنى ماكسيمالدى تەمپەراتۋرا 1975 جىلى (+31،0°س) بايقالعان؛


• اتىراۋ وبلىسىنىڭ قۇلسارى مەتەوستانسياسىندا تەرمومەتر باعانى +33،4°س بەلگىسىنە جەتتى، بۇل 1986 جىلعى رەكوردتى (+31،8°س) جاڭارتتى؛


• 2 مامىر كۇنى ءدال وسى ستانسيادا ەڭ جوعارى اۋا تەمپەراتۋراسى +32،4°س بولدى، وسىلايشا 1970 جىلعى اۋا تەمپەراتۋراسى +32،2°س قۇراعان رەكوردىنان استى؛


• ال باتىس قازاقستان وبلىسىنىڭ تايپاق مەتەوستانسياسىندا تەرمومەتر باعانى +32،2°س بەلگىسىنە جەتكەن، وسىلايشا 1970 جىلعى رەكورد (+31،4°س) جاڭاردى؛


• 11 مامىردا پاۆلودار وبلىسىنىڭ باياناۋىل مەتەوستانسياسىندا ەڭ جوعارى اۋا تەمپەراتۋراسى +31،3°س تىركەلدى، وسىلايشا 1976 جىلعى رەكورد (+30،0°س) جاڭارتىلدى؛


• سونداي-اق قاراعاندى وبلىسىنىڭ جارىق مەتەوستانسياسىندا ماكسيمالدى اۋا تەمپەراتۋراسى +29،6°س دەيىن جەتتى، سوڭعى رەت سول كۇنى ماكسيمالدى تەمپەراتۋرا 1991 جىلى (+29،0°س) بايقالدى؛


• قىزىلوردا مەتەوستانسياسىندا تەرمومەتر باعانى +35،6°س بەلگىسىنە جەتتى، بۇل 2019 جىلعى رەكوردتى (+34،7°س) جاڭارتتى؛


• 27 مامىر كۇنى اقتاۋ مەتەوستانسياسىندا (ماڭعىستاۋ وبلىسى) ەڭ جوعارى اۋا تەمپەراتۋراسى +36،2°س بولدى، وسىلايشا 2000 جىلعى اۋا تەمپەراتۋراسى +34،0°س قۇراعان رەكوردىنان استى؛


• 30 مامىر كۇنى قوستاناي مەتەوستانسياسىندا تەرمومەتر باعانى +34،9°س بەلگىسىنە جەتتى، وسىلايشا 2021 جىلعى رەكورد (+34،5°س) جاڭاردى.

سينوپتيكتەردىڭ مالىمەتىنشە، مامىر ايىنىڭ باسىندا ەلىمىزدىڭ سولتۇستىك، ورتالىق، شىعىس جانە وڭتۇستىك ايماقتارىنا اۋا تەمپەراتۋراسىنىڭ تومەندەۋى مەن ۇسىككە الىپ كەلگەن شىعىس ءسىبىر اۋدانىنان سالقىن اۋا ماسسالارى جەتتى.

مۇنداعى رەكوردتار:

• 2 مامىردا تۇندە اقتوعاي مەتەوستانسياسىندا (قاراعاندى وبلىسى) اۋانىڭ ەڭ تومەنگى تەمپەراتۋراسى -6،8°س بولدى، وسىلايشا 1969 جىلعى رەكورد (-5،0°س) جاڭارتىلدى؛


• 3 مامىردا ءدال وسى مەتەوستانسيادا تەرمومەتر باعانى -7،8°س بەلگىسىنە جەتتى، سوڭعى رەت سول كۇنى ءابسوليۋتتى مينيمۋم 2002 جىلى -3،7°س بولدى؛


• شىعىس قازاقستان وبلىسىنىڭ ريددەر مەتەوستانسياسىندا اۋا تەمپەراتۋراسىنىڭ رەكوردتىق كورسەتكىشى -5،2°س بەلگىسىنە جەتتى، بۇل 1985 جىلعى رەكوردتى (-4،5°س) جاڭارتتى؛


• 4 مامىردا قاراعاندى وبلىسىنىڭ اقتوعاي مەتەوستانسياسىندا اۋانىڭ ەڭ تومەنگى تەمپەراتۋراسى -8°س بولدى، وسىلايشا 1997 جىلعى اۋا تەمپەراتۋراسى -5،1°س بولعان كەزدەگى رەكوردتان استى؛


• 5 مامىردا جامبىل وبلىسى تاراز مەتەوستانسياسىندا تەرمومەتر باعانى -1،1°س بەلگىسىنە جەتتى، سوڭعى رەت سول كۇنى ءابسوليۋتتى مينيمۋم 1998 جىلى +0،5°س قۇرادى.

ودان بولەك رەسپۋبليكانىڭ وڭتۇستىك-شىعىسىندا كۇشتى جەلگە بايلانىستى الدىن الا ەسكەرتۋ جاريالانعان ەدى. ماسەلەن، دوستىق اۆتوماتتى مەتەورولوگيالىق ستانسياسىندا 1 مامىردا داۋىلدى جەل (ەكپىنى 42 م/س)، 2 مامىر كۇنى وتە كۇشتى جەل (ەكپىنى 33 م/س)، 3 مامىر كۇنى – ەكپىنى 31 م/س بولاتىن جەل سوقتى.

تەمپەراتۋرالىق رەكوردتاردان باسقا مامىر ايىندا جاۋىن-شاشىننان دا ءبىرقاتار رەكورد تىركەلگەن.

• 16 مامىردا قىزىلوردا وبلىسىنىڭ قازالى مەتەوستانسياسىندا ءبىر ايلىق نورماسى 14 مم بولعان جاعدايدا 17 مم جاۋىن-شاشىن جاۋدى؛


• 17 مامىردا تۇركىستان وبلىسىنىڭ تاستى مەتەوستانسياسىندا 18 مم جاۋىن-شاشىن جاۋدى (ءبىر ايلىق نورماسى - 17 مم)؛


• 22 مامىردا جەتىسۋ وبلىسىنىڭ جالاڭاشكول مەتەوستانسياسىندا ءبىر ايلىق نورما 8 مم بولعان جاعدايدا ءبىر تاۋلىكتە 10 مم جاۋىن-شاشىن جاۋعان.