«بالداۋرەنگە» بەس مىڭ وقۋشى بارادى

بيىل 5 مىڭ وقۋشى «بالداۋرەن» رەسپۋبليكالىق وقۋ-ساۋىقتىرۋ ورتالىعىندا تەگىن دەمالادى.

بۇل تۋرالى وقۋ-اعارتۋ مينيسترلىگى ءمالىم ەتتى، دەپ حابارلايدى Almaty-akshamy.kz.

«بالداۋرەن» رەسپۋبليكالىق وقۋ-ساۋىقتىرۋ ورتالىعىندا جازعى دەمالىس ماۋسىمى اشىلدى. بۋرابايداعى باس ورتالىق پەن بالقاش، قونايەۆ، تۇركىستان قالالارىنداعى فيليالدار بۇل اۋىسىمدا مەملەكەتتىك كۆوتا بويىنشا مىڭعا جۋىق وقۋشىنى تەگىن قابىلدايدى. 

اۋىسىم - «Baldauren ART – START» دەپ اتالادى. بالالار ساۋىقتىرۋ شارالارىنان وزگە  شىعارماشىلىقپەن اينالىسادى. وزدەرىنىڭ قالاۋى بويىنشا سۋرەت سالىپ، سۋرەتكە ءتۇسىرۋ، بەينەمونتاج جاساۋدى مەڭگەرەدى. ولار ءۇشىن ءتۇرلى ۇيىرمەلەر جۇمىس جاسايدى. سونىمەن قاتار سپورتتىق ويىندار، تاقىرىپتىق مەرەكەلىك كەشتەر، بايقاۋلار، ەكسكۋرسيالار ۇيىمداستىرىلعان.تاۋلىك بويى مەديسينالىق قىزمەتپەن قامتاماسىز ەتىلەدى. 

ايتا كەتەيىك، ورتالىق پەن فيليالدار جاز بويى بالالاردى 5 اۋىسىم بويىنشا قابىلدايدى. ءار اۋىسىم تاقىرىبى دا ءار الۋان. بالالار ءوز قىزىعۋشىلىقتارىنا ساي اۋىسىمدارعا قاتىسا الادى. جاز بويى مەملەكەتتىك كۆوتامەن 5000 بالا تەگىن قامتىلادى.