ءبىرىنشى ونكۇندىكتە ەلىمىزدىڭ باسىم بولىگىندە اۋا رايى تۇراقسىز بولادى.
«قازگيدرومەت» رمك 2024 جىلعى مامىر ايىنا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
كونسۋلتاتيۆتىك بولجامعا سايكەس، مامىردىڭ ءبىرىنشى ونكۇندىگىندە ەلىمىزدىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى، ءجيى جاڭبىر جاۋادى، كەيدە نوسەر جاڭبىر، كەي كۇندەرى نايزاعاي، قاتتى جەل جانە بۇرشاق جاۋادى. ونكۇندىكتىڭ باسىندا جانە ورتاسىندا رەسپۋبليكانىڭ سولتۇستىگىندە، ورتالىعىندا،شىعىسىندا،وڭتۇستىك-شىعىس اۋداندارىنىڭ تاۋلى جانە تاۋ بوكتەرىندە تۇندە قارعا ۇلاساتىن جاڭبىر كۇتىلۋدە.
مامىردىڭ ءبىرىنشى ونكۇندىگىندە اۋا تەمپەراتۋراسىنىڭ اۋىتقۋى كۇتىلەدى:
ەلدىڭ سولتۇستىك-باتىسىندا، سولتۇستىگىندە، ورتالىعىندا، شىعىسىندا تۇندە -5+3°س-تان +2+10°س-قا دەيىن، كۇندىز +5+13°س-تان +20+28°س-قا دەيىن؛
ەلدىڭ وڭتۇستىك جارتىسىندا - تۇندە -3+5°س-تان +8+15°س-قا دەيىن، كۇندىز +13+23°س-تان +25+30°س-قا دەيىن.
ەلدىڭ باتىسىندا تۇندە +8+18°س-تان -3+7°س-قا دەيىن، كۇندىز +18+25°س-تان +8+15°س-قا دەيىن.
ايدىڭ ەكىنشى جانە ءۇشىنشى ونكۇندىگىندە جىلى اۋا ماسسالارىنىڭ يران اۋداندارىنان قارقىندى شىعارىلۋىمەن اۋا تەمپەراتۋراسىنىڭ بىرتىندەپ جوعارىلاۋى بولجانۋدا:
رەسپۋبليكانىڭ سولتۇستىگىندە، ورتالىعىندا، شىعىسىندا تۇندە +10+18°س دەيىن، كۇندىز +25+35°س دەيىن؛
وڭتۇستىك جارتىسىندا تۇندە +15+23°س دەيىن، كۇندىز +30+40°C ىستىققا دەيىن.
مامىر ايىنىڭ ەكىنشى جانە ءۇشىنشى ونكۇندىگىنىڭ كەي كۇندەرىندە اتموسفەرالىق فرونتتاردىڭ وتۋىمەن نايزاعايلى جاڭبىر جاۋادى، ىستىقتىڭ ازداپ تومەندەۋى - سولتۇستىكتە، ورتالىق جانە شىعىس ايماقتاردا كۇندىز +15+25°س دەيىن، وڭتۇستىكتە +20+28°س دەيىن كۇتىلۋدە.
مامىر ايىندا ورتاشا ايلىق اۋا تەمپەراتۋراسى رەسپۋبليكانىڭ باسىم بولىگىندە نورمادان 1-2° جوعارى، ەلىمىزدىڭ باتىس ايماقتارىندا نورما شاماسىندا بولادى دەپ كۇتىلۋدە.
مامىر ايىندا جاۋىن–شاشىن مولشەرى رەسپۋبليكانىڭ باسىم بولىگىندە نورما شاماسىندا، ەلدىڭ قيىر باتىسىندا نورمادان كوپ، قازاقستاننىڭ وڭتۇستىك، ورتالىق وڭىرلەرىندە نورمادان از بولادى دەپ بولجانۋدا.