ەلدىڭ بولاشاعى – بىرلىكتە!
قازاقستان رەسپۋبليكاسىنىڭ پرەمەر-مينيسترى ولجاس بەكتەنوۆ قازاقستان حالقىن بىرلىك مەرەكەسىمەن قۇتتىقتادى، دەپ حابارلايدى Almaty-akshamy.kz
قۇرمەتتى قازاقستاندىقتار!
سىزدەردى 1 مامىر – قازاقستان حالقىنىڭ بىرلىگى مەرەكەسىمەن شىن جۇرەكتەن قۇتتىقتايمىن!
ءبىزدىڭ ەلىمىز ۇلت پەن ۇلىستىڭ ىنتىماعىن قاشاننان ءوزىنىڭ قاستەرلى قۇندىلىقتارىنىڭ قاينار كوزى رەتىندە ۇلىقتاپ كەلەدى. قوعامداعى ورتاق كەلىسىمنىڭ ارقاسىندا قازاقستان تۇعىرلى تۇراقتىلىقتىڭ تەمىرقازىعىنا، بەرەكە مەن بىرلىكتىڭ ورداسىنا اينالدى.
اۋىزبىرشىلىك پەن باۋىرمالدىقتىڭ وسىنداي جارقىن ۇلگىسى بيىلعى سۋ تاسقىنى ورىن العان كۇردەلى كەزەڭدە دە ايقىن كورىندى. حالقىمىز قيىندىق اتاۋلىنى جۇمىلا ەڭسەرىپ، بىر-بىرىنە كومەك قولىن سوزۋدا. ەلدىڭ بولاشاعى – بىرلىكتە! ال ەرتەڭىن ويلاعان ەلدىڭ ىرگەسى ەشقاشان اجىرامايدى.
بارشاڭىزدى ايتۋلى مەرەكەمەن قۇتتىقتاي وتىرىپ، زور دەنساۋلىق، وتباسىلارىڭىزعا باقىت، ەڭبەكتەرىڭىزگە تولايىم تابىس تىلەيمىن!