مەديسينالىق ساقتاندىرۋ قورىنىڭ باسشىسى ءابىلقايىر سقاقوۆ ءوزىنىڭ الەۋمەتتىك جەلىسىندە ءمامس-تى العا باستىرماي تۇرعان 4 پروبلەمانى اتادى، دەپ حابارلايدى Almaty-akshamy.kz
«ءبىرىنشىسى – مەديسينالىق ماسەلە. اتاپ ايتقاندا، ونىڭ تمككك جانە ءمامس پاكەتتەرىنە ءبولىنۋى. ءبىرىنشى پاكەتتە قاراجاتتىڭ جەتىسپەۋشىلىگى اقشانىڭ ەكىنشى پاكەتكە كوشۋىنە، ءبىرىن-بىرى قايتالاۋعا، دارىگەردىڭ قاتەلىك جاساۋىنا سەبەپ بولاتىن قيىندىقتارعا اكەپ سوعۋدا.
كەلەسى – قارجى ماسەلەسى. تەك ءمامس ەمەس، جالپى دەنساۋلىق ساقتاۋ سالاسىندا قارجى جەتكىلىكسىز. مامس-كە باعىتتالاتىن اۋدارىمدار بارلىق پروبلەمالاردى شەشپەيدى.
ءۇشىنشى پروبلەما – حالىق ءمامس جۇيەسىنە جەتكىلىكتى تۇردە تارتىلماي جاتىر. حالىقتى تارتۋمەن اينالىساتىن وكىلەتتى ورگان بەلگىلەنبەگەن.
ءتورتىنشى – سيفرلاندىرۋ دەڭگەيى وتە تومەن. ءبىز وسى سۇراقتاردى شەشۋدەمىز.
پروبلەمالاردىڭ العاشقى ۇشەۋى ءوزارا بايلانىستى جانە ولار زاڭنامالىق وزگەرتۋلەردى قاجەت ەتەدى. شىن مانىندە مەديسينالىق ساقتاندىرۋ جۇيەسى پايدالى ءارى قاجەت»، - دەدى سقاقوۆ.