الماتىدا ءۇي كەزەگىندە تۇرعان حالىقتىڭ الەۋمەتتىك وسال توبىنا جاتاتىن ءۇشىنشى لەكتىڭ 105 تۇرعىنىنا جالدامالى پاتەردىڭ كىلتى تابىستالدى، دەپ حابارلايدى اlmaty-akshamy.kz.
ناۋرىزباي اۋدانىنىڭ «شۇعىلا» شاعىناۋدانىنداعى «Alem City-2» تۇرعىن ءۇي كەشەنىندە ورنالاسقان 5 ۇيدەن كەزەكتە تۇرعاندارعا 105 پاتەردىڭ كىلتى تابىستالدى. ولاردىڭ ىشىندە 43 پاتەر 1 بولمەلى، 62 پاتەر 2 بولمەلى.
ءحاوت ساناتتارى بويىنشا: جەتىم بالالار – 30، 1 جانە 2 توپتاعى مۇگەدەكتەر – 8، جەڭىلدىكتەرى بويىنشا ۇوس-عا تەڭەستىرىلگەن ارداگەرلەر – 1، مۇگەدەكتىگى بار بالالاردى تاربيەلەپ وتىرعان وتباسى – 6، زەينەتكەرلەر – 8، تولىق ەمەس وتباسىلار – 52.
بىرەر كۇن بۇرىن ءحاوت ساناتىنداعى كەزەكتە تۇرعان ءبىرىنىشى لەكتەگى 124 ادامعا جانە ەكىنشى لەكتىڭ 164 تۇرعىنىنا پاتەر كىلتى تابىستالعان بولاتىن. 
باسپانالى بولعان جانداردى الماتى قالاسى كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى عالىمجان ابدىشۇكىر ۇلى قۇتتىقتاپ، جالدامالى پاتەرلەر قالانىڭ كوممۋنالدىق تۇرعىن ءۇي قورىنان بولىنگەنىن حابارلادى. ال قالا تۇرعىنى ۆيكتوريا گريشينا باسپانا كەزەگىنە 2015 جىلى تۇرعانىن ايتادى.
- ماعان ۇيالى تەلەفونعا قوڭىراۋ شالىپ، پاتەردىڭ يەسى بولعانىمىزدى ايتتى. باسىندا مۇلدەم سەنبەدىم. ءبىز ءۇشىن بۇل ناعىز باقىت ءاىر توسىن سىي! ۇلىمدى جالعىز تاربيەلەپ وتىرمىن، سوندىقتان مەن ءۇشىن مەملەكەتتەن ۇلكەن قولداۋ بولدى. كەزەككە 2015 جىلى تۇردىم، - دەدى ۆيكتوريا گريشينا.