2024 جىلعى 28 مامىردا قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا اكادەمياسىنىڭ باستىعى گەنەرال-مايور پوليۆانوۆ پاۆەل كونستانتينوۆيچ پەن ەلىمىزدەگى جەتەكشى وقۋ ورىندارىنىڭ ءبىرى قازاق باس ساۋلەت-قۇرىلىس اكادەمياسىنىڭ رەكتورى يماندوسوۆا مارگاريتا بولات قىزى ەكىجاقتى ىنتىماقتاستىق تۋرالى مەموراندۋمدا كەلىسىمشارتقا قول قويدى، دەپ حابارلايدى اlmaty-akshamy.kz.
تاراپتار قۇجاتقا قول قويماس بۇرىن ءبىر-بىرىن ستراتەگيالىق ارىپتەستەر رەتىندە قابىلداپ پىكىر الماستى. وزدەرى باسشىلىق ەتەتىن وقۋ ورداسىنىڭ مۇمكىندىكتەرى مەن جەتىستىكتەرىن ءسوز ەتتى. ەندى الداعى ۋاقىتتا ەكىجاقتى كەلىسىمنىڭ ارقاسىندا ستۋدەنتتەر مەن كۋرسانتتار بىر-بىرىمەن ەمەن جارقىن ارالاسىپ، بارىس كەلىس پەن الىس بەرىس نىعايا تۇسەدى. 
شەكاراشىلاردى قارسى العان اتالمىش وقۋ ورنىنىڭ پرورەكتورى باحتيار سابدەنالييەۆ وقۋ ورداسىنىڭ قىسقاشا تاريحىنا توقتالىپ، تىنىس-تىرشىلىگىن ەگجەي-تەگجەيلى اڭگىمەلەپ بەردى. سودان كەيىن وقۋ كورپۋسىنىڭ استىندا ورنالاسقان ءبىرقاتار زەرتحانالاردى ارالاتىپ، ونداعى قۇرىلىس بارىسىندا پايدالاناتىن زاماناۋي تەحنولوگيالارمەن تانىستىردى. اسىرەسە، «سەيسميكالىق فلاتفورما. سەيسميكالىق اسەرلەردى زەرتتەۋ» زەرتحاناسىنداعى ستۋدەنتتەر مەن ماگيسترانتتاردىڭ ويلاپ تاپقان جاساندى جەر سىلكىنىسىنە سالىنىپ جاتقان عيماراتتىڭ قانشالىقتى توتەپ بەرەتىنىن كورۋگە بولاتىن قۇرىلعى اسكەري قىزمەتشىلەردى قاتتى قىزىقتىردى. سونىمەن قاتار، قالىپقا قۇيىلعان بەتوننىڭ توزىمدىلىگىن، ەسىك-تەرەزەلەردىڭ ساپاسىن قابىرعا تەمىرلەرىنىڭ بەرىكتىگىن باقىلايتىن زەرتحانالار دا ساۋلەت-قۇرىلىس اكادەمياسىنىڭ كوركىن قىزدىرىپ تۇر.
ايتا كەتۋ كەرەك، الماتى قازاق ساۋلەت-قۇرىلىس اكادەمياسىنىڭ وزىندىك تاريحى بار، ەلىمىزگە ساۋلەت، قۇرىلىس ماماندارىن دايارلاۋ سالاسىنداعى ەڭسەلى وقۋ ورنى. بۇل جەردەن ەلىمىزگە تانىمال كوپتەگەن ساۋلەتشى ماماندار شىققان.