قىزمەت مەديسينا ۇيىمدارى اراسىنداعى قوسىمشا كەلىسىمشارت نەگىزىندە كورسەتىلەدى.
الماتى قالالىق دەنساۋلىق ساقتاۋ باسقارماسى وكىلدەرى امبۋلاتوريا دەڭگەيىندە سالالىق مامانداردان كونسۋلتاسيا الۋ جايلى ءتۇسىندىرىپ بەردى، دەپ حابارلايدى Almaty-akshamy.kz
باسقارما جەتەكشىسىنىڭ ورىنباسارى م.ا. نازگۇل يمانعالييەۆانىڭ ايتۋىنشا، سالالىق ماماننىڭ قابىلداۋىنا ەمحاناداعى جالپى پراكتيكا دارىگەرى ارقىلى جازىلۋعا بولادى. سودان كەيىن پاسيەنتتىڭ دەنساۋلىق جاعدايىنا قاراي پروفيلدىك مامانعا جولداما بەرىلەدى. بۇل ناۋقاستىڭ عانا ەمەس، ماماننىڭ دا ۋاقىتىن ۇنەمدەۋگە مۇمكىندىك بەرەدى.
«سالالىق مامانداردىڭ كونسۋلتاسياسى، كت/مرت، رەنتگەن سىندى تاعى دا باسقا دياگنوستيكالىق قىزمەتتەر ساقتاندىرىلعان ازاماتتارعا مىندەتتى مەديسينالىق ساقتاندىرۋ ارقىلى كورسەتىلەدى. ول ءۇشىن ەمدەۋشى دارىگەردىڭ جولداماسى قاجەت. دارىگەر جولدامانى ءتيىستى كورسەتىلىمدەر مەن اۋرۋ بەلگىلەرىنە قاراي جازىپ بەرەدى»، - دەيدى مامان.
تاعى ءبىر ەسكەرتە كەتەرلىگى، قاجەتتى قىزمەت ءتۇرى ەمحانادا كورسەتىلمەيتىن بولسا پاسيەنتكە باسقا ەمدەۋ مەكەمەسىنە جولداما بەرىلۋى ءتيىس. قىزمەت مەديسينا ۇيىمدارى اراسىنداعى قوسىمشا كەلىسىمشارت نەگىزىندە كورسەتىلەدى.
سونىمەن قاتار، ۋچاسكەلىك دارىگەردىڭ جولداماسىن قاجەت ەتپەيتىن جاعدايلار دا بولادى. مىسالى، سالالىق مامان قويعان دياگنوزدى ناقتىلاۋ ماقساتىندا قوسىمشا ينسترۋمەنتالدىق تەكسەرۋ جۇرگىزۋ قاجەت بولعاندا، شۇعىل ستوماتولوگيالىق كومەك قاجەت بولسا، تىركەلگەن ەمحاناداعى اكۋشەردىڭ نەمەسە پيسحولوگ ماماننىڭ قابىلداۋىنا كىرۋگە، دەرماتوۆەنورولوگيالىق سىرقاتتاردى ەمدەۋ ءۇشىن جولداما الۋدىڭ قاجەتى جوق. مۇنداي جاعدايلاردا اتالعان قىزمەتتەردى كورسەتەتىن كلينيكانىڭ تىركەۋ ءبولىمى ارقىلى جازىلسا جەتكىلىكتى.
«ال، شۇعىل جاعدايلاردا مەديسينالىق كومەك كەشىكتىرمەي كورسەتىلۋى ءتيىس. ەگەر ەمحانا قىزمەت كورسەتۋدەن ورىنسىز باس تارتقان جاعدايدا كلينيكا جانىنداعى پاسيەنتتەردى قولداۋ قىزمەتىنە حابارلاسىپ، ماسەلەنى سول جەردە شەشۋگە بولادى»، - دەدى نازگۇل يمانعالييەۆا.