كاسىپورىنداردىڭ قىزمەتكەرلەرگە 1،24 ملرد تەڭگە بەرەشەگى بار.
14 قازانداعى دەرەكتەرگە سايكەس، رەسپۋبليكانىڭ 60 كاسىپورنىندا 1821 قىزمەتكەرگە جالاقى بويىنشا 1،24 ملرد تەڭگە كولەمىندە بەرەشەگى بار، دەپ حابارلايدى Almaty-akshamy.kz Inbusiness.kz سىلتەمە جاساپ.
كاسىپورىنداردىڭ قارىزى جايىندا 21 قازان كۇنى ق ر ەڭبەك جانە حالىقتى الەۋمەتتىك قورعاۋ مينيسترلىگى، ەڭبەك، الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ورتالىق كوممۋنيكاسيالار قىزمەتىندە وتكەن بريفينگ بارىسىندا ايتتى.
"جۇمىسكەرلەر الدىنداعى ەڭ كوپ بەرەشەك اباي وبلىسىندا – 218،7 ملن تەڭگە، جەتىسۋ وبلىسىندا – 22،9 ملن تەڭگە جانە استانا قالاسىندا – 19،3 ملن تەڭگە. جىل باسىنان بەرى جەرگىلىكتى ەڭبەك ينسپەكسياسى ورگاندارىنىڭ كومەگىمەن جالاقى بويىنشا 4،1 ملرد تەڭگەگە جۋىق بەرەشەك تولەندى، سول ارقىلى 16،4 مىڭ قىزمەتكەردىڭ قۇقىقتارى قورعالدى"، – دەدى كوميتەت ءتوراعاسى.
سپيكەردىڭ ايتۋىنشا، ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن جالاقى بويىنشا بەرەشەكتى وتەۋدىڭ ناتيجەلىلىگىن ارتتىرۋ ماقساتىندا زاڭناماعا وزگەرىستەر ەنگىزىلگەن.