بۇل الدىڭعى جىلدارعا قاراعاندا الدەقايدا كوپ.
العاشقى ءۇش ايدا ءمامس جۇيەسى اياسىندا 835 ەكستراكورپورالدى ۇرىقتاندىرۋ شاراسى ورىندالدى، دەپ حابارلايدى Almaty-akshamy.kz قور سايتىنا سىلتەمە جاساپ.
الەۋمەتتىك مەديسينالىق ساقتاندىرۋ قورى 2022 جىلى 6،68 ملرد تەڭگەگە 7 000 ەكۇ سيكلىن قارجىلاندىرۋدى كوزدەدى. ءى توقساندا 824،6 ملن تەڭگەگە ەكستراكورپورالدىق ۇرىقتاندىرۋدىڭ 835 ءراسىمى ورىندالدى. بۇل الدىڭعى جىلدارعا قاراعاندا الدەقايدا كوپ. 2020 جىلدىڭ ءى توقسانىندا 59، 2021 جىلدىڭ ءى توقسانىندا 526 سيكل شىعارىلعان. ايتا كەتۋ كەرەك، جىلىنا ءبىر رەت ءمامس بويىنشا ەكۇ پروسەدۋراسىنان تەگىن وتۋگە بولادى.
ءمامس جۇيەسىندە ەكۇ جۇرگىزۋ الدىندا ەرلى-زايىپتىلاردى تەكسەرۋ كولەمى كوزدەلگەن تىزبەگە سايكەس جۇزەگە اسىرىلادى. الەۋمەتتىك مەديسينالىق ساقتاندىرۋ قورىنان اتاپ وتكەندەي، ەكستراكورپورالدىق ۇرىقتاندىرۋ پروسەدۋراسى - جوعارى تەحنولوگيالىق مەديسينالىق قىزمەتتەرگە جاتادى جانە قىمبات تۇرادى. بۇعان دەيىن ول تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە جۇرگىزىلگەن بولاتىن. الايدا، قارجىلاندىرۋ كولەمى از بولدى، جىلىنا شامامەن 900-1000 كۆوتا ءبولىندى.
ال، 2021 جىلى ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا قازاقستاندا «اڭساعان ءسابي» باعدارلاماسى جۇزەگە اسىرىلا باستادى. بۇل كۆوتا سانىن 7 ەسەگە – جىلىنا 7 000-عا دەيىن ارتتىرۋعا مۇمكىندىك بەردى. ەلىمىزدىڭ 9 وڭىرىندە 19 مەديسينالىق ۇيىم (ونىڭ 18ء-ى – جەكەمەنشىك) ەكۇ پروسەدۋراسىن اتقارادى. پاسيەنت كلينيكانى ءوز بەتىنشە تاڭداۋعا قۇقىلى. ەكۇ-عا جولداما الۋ ءۇشىن بەكىتىلگەن جەرى بويىنشا ەمحاناعا جۇگىنۋ قاجەت.