جىل سوڭىنا دەيىن سيفرلىق تەڭگەنى ەنگىزۋ شەشىمى قابىلدانادى

1 شىلدەگە دەيىن سيفرلىق تەڭگەنى ەنگىزۋدىڭ مەتوديكاسى بەكىتىلەدى.

ق ر ۇلتتىق بانكىنىڭ ءتوراعاسى عالىمجان ءپىرماتوۆ ەلىمىزدە سيفرلىق تەڭگەنى ەنگىزۋگە قاتىستى شەشىم جىل سوڭىنا دەيىن قابىلداناتىنىن ايتتى، دەپ حابارلايدى Almaty-akshamy.kz.

«سيفرلىق تەڭگەنى ەنگىزۋدە اۋقىمدى شارۋانى قولعا الدىق. وسى ماقساتتا حالىقارالىق ۆاليۋتا قورى جانە دامىعان ەلدەردىڭ ورتالىق بانكتەرىمەن تىعىز ارىپتەستىكتە جۇمىس ىستەپ جاتىرمىز. تاياۋدا عانا ءبىزدىڭ كوماندا ۆاشينگتونعا بارىپ، حالىقارالىق ۆاليۋتا قورى وكىلدەرىمەن كەزدەسىپ وتكىزىپ، اتقارىلعان جۇمىس پەن جوسپارىمىزدى تانىستىردىق»، - دەدى عالىمجان ءپىرماتوۆ.

ونىڭ ايتۋىنشا، سيفرلىق تەڭگەگە قاتىستى شەشىلۋى ءتيىس تەحنيكالىق تۇستارى بار.

«بيىل 1 شىلدەگە دەيىن سيفرلىق تەڭگەنى ەنگىزۋدىڭ مەتوديكاسى بەكىتەمىز. ال جىل سوڭىنا دەيىن ناقتى ەنگىزۋ تۋرالى شەشىم قابىلدايتىن بولامىز. اتالعان شەشىمدى قابىلداۋدا تەحنيكالىق ورىنداۋ ۋاقىتتى تالاپ ەتەدى. دەگەنمەن جىل اياعىنا دەيىن شەشىمىن تابادى. بۇل باعىتتاعى جۇمىس جالعاسىپ جاتىر»، - دەيدى ول.

ەسكە سالا كەتسەك، وتكەن جىلى پرەزيدەنت قاسىم-جومارت توقايەۆ بولاشاق قارجى جۇيەسىنىڭ نەگىزىنە اينالۋى مۇمكىن سيفرلىق تەڭگە ەنگىزۋ ماسەلەسىن قاراستىرعان ءجون ەكەنىن ايتقان ەدى .