ءماجىلىس دەپۋتاتتارى كەيبىر زاڭنامالىق اكتىلەرگە مۇمكىندىگى شەكتەۋلى جانداردىڭ ءومىر ءسۇرۋ ساپاسىن جاقسارتۋ ماسەلەلەرى بويىنشا تۇزەتۋلەردى ءبىرىنشى وقىلىمدا ماقۇلدادى.
زاڭ جوباسىندا مۇگەدەكتەرگە قاتىستى كەمسىتۋشىلىككە جول بەرمەۋ ماقساتىندا ءبىرقاتار نورمالار قاراستىرىلعان، دەپ حابارلايدى Almaty-akshamy.kz
سونداي-اق زاڭ جوباسىندا تاكسي كومپانيالارى ءاربىر ون تاكسيگە مۇمكىندىگى شەكتەۋلى جاندارعا بەيىمدەلگەن ءبىر تاكسي بەرۋى ءتيىس دەگەن تۇزەتۋدى ۇسىنادى. قازىرگى ۋاقىتتا قولدانىستاعى زاڭناماعا سايكەس تاكسي كومپانيالارى ءاربىر 30 تاكسيگە وسىنداي تاكسي ۇسىنۋى كەرەك. تۇراقتى باعىتتار بويىنشا مۇگەدەكتەردى تاسىمالداۋعا بەيىمدەلگەن اۆتوبۋستاردى ساتىپ الۋعا وزگەرىستەر ەنگىزىلدى.
سونىمەن قاتار، ەندى مۇگەدەك بالانى ساناتورلىق-كۋرورتتىق ەمدەۋگە الىپ باراتىن اتا-اناسىنىڭ بىرىنە نەمەسە زاڭدى وكىلىنە نەگىزگى قاجەتتىلىكتەر – جاتىن ورىن، تاماق جانە توسەك-ورىننىڭ قۇنىن وتەۋ ۇسىنىلىپ وتىر. بۇل باستاما از قامتىلعان جانە شالعاي ەلدى مەكەندەردەن شىققان مۇمكىندىگى شەكتەۋلى بالالاردى كۋرورتتىق ەمدەۋدى كەشەندى تۇردە قامتاماسىز ەتەدى.