ەلدەر ارىپتەستىگى
ەلورداداعى ۇلكەن كوشەلەردىڭ بىرىنە نەمەسە داڭعىلعا گەيدار الييەۆتىڭ ەسىمى بەرىلەدى. بۇل تۋرالى قازاقستان پرەزيدەنتى قاسىم-جومارت توقايەۆ ازەربايجان رەسپۋبليكاسىنىڭ پرەزيدەنتى يلحام الييەۆپەن وتكەن كەلىسسوزدەر قورىتىندىسى بويىنشا ب ا ق ءۇشىن جاساعان مالىمدەمەسىندە ايتتى، دەپ حابارلايدى Almaty-akshamy.kz.
«كەزىندە ەلوردامىزدىڭ ءبىر كوشەسىنە كورنەكتى مەملەكەت قايراتكەرى، ازەربايجان حالقىنىڭ ءبىرتۋار پەرزەنتى گەيدار الييەۆتىڭ ەسىمى بەرىلگەن. قالامىز، استانامىز قارقىندى دامىپ كەلەدى، ءبىراق ءقازىر ول كوشە ونشا ۇلكەن ەمەس. سوندىقتان، مەن ەلوردا اكىمىنە ەلىمىزدە شىنايى قۇرمەتكە يە گەيدار الييەۆتىڭ ەسىمىمەن استانامىزدىڭ ءبىر ۇلكەن كوشەسىن نەمەسە داڭعىلىن اتاۋدى ۇسىنۋ تۋرالى تاپسىرما بەردىم. كوشە اتاۋىن لايىقتىراق نىسانعا اۋىستىرامىز، بۇل ابدەن ورىندى دەپ ەسەپتەيمىن»، - دەدى قاسىم-جومارت توقايەۆ.