ارنايى كوميسسيانىڭ ءبىرىنشى وتىرىسى ءوتتى.
2 جەلتوقساندا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆتىڭ توراعالىعىمەن قىسقى جىلىتۋ ماۋسىمىنا دايىندىق جونىندەگى ورتالىق جانە جەرگىلىكتى اتقارۋشى ورگانداردىڭ قىزمەتىن تەكسەرۋ جونىندەگى كوميسسيانىڭ ءبىرىنشى وتىرىسى ءوتتى، دەپ حابارلايدى Almaty-akshamy.kz
وتىرىس بارىسىندا ۇزدىكسىز جىلۋ بەرۋدى قامتاماسىز ەتۋ جونىندەگى جەدەل جانە جۇيەلى شارالار قاراستىرىلدى.
جيىن قورىتىندىسى بويىنشا مىناداي تاپسىرمالار بەرىلدى:
– ءۇش كۇن ىشىندە بارلىق ەنەرگيا نىسانىن كەشەندى، سونىڭ تەحنيكالىق جاعدايىنا قاراي قاۋىپتىلىك تۇرعىدان توپتارعا ءبولىنسىن. نەعۇرلىم وسال جىلۋ ەلەكتر ورتالىقتارى مەن جىلۋ جەلىلەرى بويىنشا مەنشىك يەلەرى، اكىمدىكتەر مەن مينيسترلىكتەر اراسىندا ءبىرىنشى كەزەكتە اتقاراتىن ىس-ارەكەت جوسپارى دايىندالادى؛
– وڭىرلەردە جىلۋمەن جانە ەلەكتر قۋاتىمەن قامتاماسىز ەتەتىن نىسانداردىڭ ءىس جۇزىندە دايىندىعىن تەكسەرۋ ءۇشىن جەدەل توپتار قۇرىلسىن؛
– قارجى ءمينيسترى مەن قارجىلىق مونيتورينگ اگەنتتىگى ءاربىر زاڭدى تۇلعانىڭ تاريفتىك سمەتاسى مەن ينۆەستيسيالىق باعدارلاماسىنا تالداۋ جۇرگىزىپ، كاپيتالدى سىرتقا شىعارۋ ىقتيمالدىعىن تەكسەرسىن؛
– ۋاكىلەتتى مەملەكەتتىك ورگانداردىڭ باقىلاۋ-قاداعالاۋ فۋنكسيالارىن كۇشەيتىپ، جىلۋمەن جانە ەلەكترمەن قامتاماسىز ەتەتىن نىسانداردىڭ مەنشىك يەلەرىنىڭ جاۋاپكەرشىلىگىن ارتتىرۋ ءۇشىن سالالىق زاڭدار مەن زاڭعا تاۋەلدى اكتىلەرگە ەنگىزىلەتىن وزگەرىستەر ازىرلەنسىن.