ماماندار قازاقستاندىق سالىمشىلاردىڭ زەينەتاقى جيناعى وسكەنىن ايتتى

ءبىر ايدا 613،7 ملرد تەڭگەگە ۇلعايعان.

2022 جىلعى 1 ماۋسىمداعى جاعداي بويىنشا، سالىمشىلاردىڭ زەينەتاقى جيناقتارى ءبىر ايدا 613،7 ملرد تەڭگەگە نەمەسە 4،8%-عا ۇلعايىپ، 13 384،5 ملرد تەڭگەنى قۇرادى، دەپ حابارلايدى Almaty-akshamy.kz. 

«2022 جىلدىڭ ماۋسىم ايىندا زەينەتاقى اكتيۆتەرىن ينۆەستيسيالاۋدان تۇسكەن تازا تابىس 505،4 ميلليارد تەڭگەگە، 2022 جىلدىڭ 1 شىلدەسىندەگى جاعداي بويىنشا 7 246،6 ميلليارد تەڭگەگە دەيىن ارتتى»، - دەلىنگەن ۇلتتىق بانكتىڭ باسپا ءسوز قىزمەتىنىڭ حابارلاماسىندا.

مىندەتتى زەينەتاقى جارنالارى بويىنشا سالىمشىلاردىڭ جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 2022 جىلعى 1 شىلدەدەگى جاعداي بويىنشا 10،9 ميلليون شوتتى قۇرادى.

ماۋسىم ايىندا زەينەتاقى تولەمدەرىنىڭ سوماسى 36،7 ميلليارد تەڭگەنى قۇرادى.

2022 جىلعى 1 شىلدەدەگى جاعداي بويىنشا، بجزق جيىنتىق ينۆەستيسيالىق پورتفەلىنىڭ نەگىزگى ۇلەسىن ق ر مەملەكەتتىك باعالى قاعازدارى مەن ق ر ەميتەنتتەرىنىڭ مەملەكەتتىك ەمەس باعالى قاعازدارى (زەينەتاقى اكتيۆتەرىنىڭ جالپى كولەمىنىڭ تيىسىنشە 42،6% جانە 21،4%) قۇرايدى.