ارنايى مونيتورينگ جۇرگىزىلەدى.
قازاقستان اۋىل شارۋاشىلىعى ۆيسە-مينيسترى جەڭىس وسەرباي الەۋمەتتىك ماڭىزى بار ازىق-تۇلىك قورى تۋرالى ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مينيسترلىك اپتا سايىن ىشكى نارىقتى ازىق-تۇلىك تاۋارلارىمەن قامتاماسىز ەتۋ مونيتورينگىن جۇرگىزەدى. اكىمدىكتەردىڭ جەدەل دەرەكتەرىنە سايكەس، 12 ناۋرىزداعى جاعداي بويىنشا رەسپۋبليكادا بارلىعى 1،3 ملن توننا الەۋمەتتىك ماڭىزى بار ازىق-تۇلىك بار، ونىڭ ىشىندە 144 مىڭ توننا ۇن، 90 مىڭ توننا قانت، 39،3 مىڭ توننا كۇرىش، 21 مىڭ توننا ماكارون جانە شامامەن 900 مىڭ توننا كوكونىس ونىمدەرى، تاعى باسقالارى بار. ازىق-تۇلىك قورى جاڭارتىلادى جانە قاجەتتىلىگىنە قاراي كۇن سايىن تولىقتىرىلىپ تۇرادى»، - دەدى سپيكەر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە جەڭىس وسەرباي رەسپۋبليكادا جارما، ۇن جانە باسقا دا تاۋارلار ءوندىرۋ ءۇشىن شيكىزات، ەت جانە ءسۇت ونىمدەرىن ءوندىرۋ ءۇشىن مال باسى جەتكىلىكتى ەكەنىن اتاپ ءوتتى.
«ازىق-تۇلىك تاۋارلارىنىڭ بارلىق دەرلىك ءتۇرى بويىنشا حالىق قاجەتتىلىگى ءوز ءوندىرىسى ەسەبىنەن قامتاماسىز ەتىلەدى، ال كەيبىرىندە ءوندىرىس قاجەتتىلىكتەن ايتارلىقتاي اسادى. مىسالى، جىل سايىن ورتا ەسەپپەن 3 ملن توننادان استام ۇن وندىرىلەدى، ال تۇتىنۋ كولەمى – 1،6 ملن توننا، كۇرىش ءوندىرىسى دە 200 مىڭ توننانى قۇرايدى، ال قاجەتتىلىك – 95 مىڭ توننا. وسىلايشا، ءوندىرىستىڭ قازىرگى قارقىنى ساقتالسا جانە تۇتىنۋدىڭ ءداستۇرلى كولەمدەرىن ەسكەرە وتىرىپ، ەلدە ازىق-تۇلىك تاپشىلىعىنىڭ تۋىنداۋى ءۇشىن نەگىز جوق ەكەنىن حابارلايمىز»، - دەدى جەڭىس وسەرباي.