ول اۋەجاي اۋماعىندا ۇستالعان.
سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆ كەشە قايرات ساتىبالدىنىڭ ۇستالۋىنا قاتىستى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قىلمىستىق ءىس «قازاقتەلەكوم» اق-نىڭ قاراجاتىن جىمقىرۋ فاكتىسى بويىنشا تەرگەلىپ جاتىر. كەشە وسى بويىنشا ءتيىستى اقپارات تاراتىلدى. قازىرگى كەزدە قاراجات سوماسى انىقتالىپ جاتىر، ول بويىنشا بىرنەشە ەپيزود قامتىلعان. وسى ورايدا ساراپتاما جۇرگىزىلگەننەن كەيىن، ءبىز بۇل سومانى جاريا ەتەمىز. دەگەنمەن وسى ىسكە قاتىستى ميللياردتاعان قاراجات بار دەپ ايتا الامىن»، - دەدى و.بەكتەنوۆ ءماجىلىستىڭ جالپى وتىرىسىنان كەيىن تىلشىلەردىڭ ساۋالىنا جاۋاپ بەرە وتىرىپ.
سونىمەن قاتار ول قايرات ساتىبالدىنىڭ اۋەجاي اۋماعىندا ۇستالعانىن ايتتى.
«ول الماتى اۋەجايىنىڭ اۋماعىندا ۇستالدى. ۇستالعاننان كەيىن ۋاقىتشا ۇستاۋ يزولياتورىنا قامالدى. تەرگەۋ امالدارى بارىسىندا قارايمىز، بۇلتارتپاۋ شاراسىن سوت ايقىندايدى»، - دەدى اگەنتتىك باسشىسى.
بۇدان بۇرىن حابارلانعانداي، سىبايلاس جەمقورلىققا قارسى قىزمەت لاۋازىمدىق وكىلەتتىكتەرىن اسىرا پايدالانۋ جانە «قازاقتەلەكوم» اق-نىڭ قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەۋدە.