الماتى پوليسياسى “وقيتىن دەپارتامەنت” چەللەندجىن باستادى
ناۋقان الماتى قالاسى پد-نىڭ بارلىق بولىمشەلەرىن قامتيدى. چەللەندج اۋەزوۆ اۋداندىق پوليسيا باسقارماسىندا باستالدى. جەكە قۇرام بوس ۋاقىتىندا جازۋشى الەكساندر بەكتىڭ “ۆولوكولامسك تاس جولى” كىتابىن وقىپ شىقتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بەلگىلى بولعانداي، پوليسيا قىزمەتكەرلەرىنىڭ كوپشىلىگى بۇل شىعارمانى بىرنەشە رەت وقىپ ۇلگەرگەن. ءتارتىپ ساقشىلارى ءاربىر وقىعان سايىن ولاردىڭ شىعارما كەيىپكەرلەرىنەن جاڭا ەموسيالار جانە اسەرلەر الاتىنىن اتاپ ءوتتى.
«ماقسات – جەكە قۇرامنىڭ رۋحاني دامۋى. قاربالاس جۇمىس كەستەسىنىڭ اراسىندا ءبىز سۇيىكتى كىتاپتارىمىزدى، جاڭا، وزەكتى شىعارمالاردى وقۋعا ۋاقىت پەن مۇمكىندىك تابا المايتىنىمىزدى مويىنداۋ كەرەك. چەللەندج ءبىر رەتتىك ناۋقان ەمەس ەكەندىگىن ايتا وتەيىن. بۇدان بىلاي جاۋىنگەرلىك جانە قىزمەتتىك دايىندىققا "كىتاپحانا ساعاتتارى" ەنگىزىلەتىن بولادى. ال الداعى ۋاقىتتا ءبىزدىڭ دەپارتامەنتتىڭ ىشىنەن كوركەم، كلاسسيكالىق، دەرەكتى جانە ارناۋلى ادەبيەتتەردىڭ مول مۇراعاتى بار كىتاپحانا اشۋ جوسپارلانۋدا»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.