قاڭتاردىڭ 25 كۇنى الماتى جانە قازاقستاننىڭ بىرنەشە ءوڭىرى جارىقسىز قالدى.
«KEGOC» اق 25 قاڭتاردا قازاقستاننىڭ وڭتۇستىك وبلىستارىندا جارىقتىڭ ءسوندىرىلۋ سەبەپتەرى تۋرالى ايتتى، دەپ حابارلايدى Almaty-akshamy.kz Egemen.kz سىلتەمە جاساپ.
«2022 جىلعى 25 قاڭتاردا ساعات 11:59-دا وزبەكستاندا قىسقا تۇيىقتالۋ سالدارىنان سىرداريا جەس-تەگى التى ەنەرگيا بلوگى گەنەراسياسىنىڭ جيىنتىق شىعىنى 1500 مۆت-تان استى. وزبەكستاننىڭ ەنەرگيا جۇيەسىندە پايدا بولعان قۋات تاپشىلىعى وزبەكستان مەن قىرعىزستاننىڭ ەنەرگيا جۇيەلەرىمەن قاتار جۇمىس ىستەۋگە قوسىلعان قازاقستاننىڭ ەنەرگيا جۇيەسىنەن قۋاتتى سانكسيالانباعان ىرىكتەۋگە الىپ كەلدى»، - دەلىنگەن كومپانيا حابارلاماسىندا.
وپەراتوردىڭ مالىمەتىنشە، ەنەرگەتيكالىق جابدىقتىڭ بۇلىنۋىنە جول بەرمەۋ جانە ەلدىڭ وڭتۇستىك وبلىستارىن اۆتوماتيكا ارەكەتىمەن تولىق وتەۋ ماقساتىندا الماتى، جامبىل، تۇركىستان جانە قىزىلوردا وبلىستارىن وقشاۋلانعان جۇمىسقا اۋىستىرا وتىرىپ، ترانزيت ءبولىندى.
«ورىن العان اپات سيفرلىق ماينينگتى جۇزەگە اسىراتىن تۇتىنۋشىلاردىڭ قىزمەتىمەن بايلانىستى ەمەس ەكەنىن اتاپ ءوتۋ قاجەت»، - دەپ قوستى «KEGOC» اق-دا.
باسپا ءسوز قىزمەتى تاپشىلىقتىڭ پايدا بولۋىنىڭ نەگىزگى فاكتورلارى ەلەكتر ستانسيالارىنداعى اۆاريالاردىڭ جوعارى بولۋى جانە وتكەن جىلى 6%-دان اسىپ كەتكەن ەلەكتر ەنەرگياسىن تۇتىنۋدىڭ ايتارلىقتاي ءوسۋى بولىپ تابىلاتىنىن، بۇل سوڭعى جىلدارداعى كورسەتكىشتەردەن ءۇش ەسە كوپ ەكەنىن اتاپ ءوتتى.
ماسەلەن، 2020 جىلى ەلەكتر ەنەرگياسىن تۇتىنۋدىڭ ءوسىمى 2%-دى، ال 2019 جىلى 1،9%-دى قۇرادى.
ەسكە سالا كەتسەك، 25 قاڭتاردا الماتىدا جانە قازاقستاننىڭ بىرنەشە ءوڭىرى جارىقسىز قالدى. قازاقستانمەن شەكارالاس مەملەكەتتەردە جارىق پروبلەمالارى بايقالدى.