قازىرگى ۋاقىتتا ق ر ەكولوگيا، گەولوگيا جانە تابيعي رەسۋرستار، يندۋستريا جانە ينفراقۇرىلىمدىق دامۋ مينيسترلىكتەرى كابەل-سىم ونىمدەرىنە ۋتيليزاسيالىق الىم الۋ مەرزىمىن 2023 جىلعى 1 قاڭتارعا دەيىن شەگەرۋ بويىنشا جۇمىس جۇرگىزۋدە، دەپ حابارلايدى اlmaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ حابارلادى. مەملەكەت باسشىسى ق. توقايەۆتىڭ ۋتيليزاسيالىق الىم الۋمەن مەملەكەتتىك ۇيىم اينالىسۋى ءتيىس دەگەن تاپسىرماسىن ورىنداۋ ءۇشىن ۇكىمەت ءتيىستى قاۋلى قابىلدادى. وسى قاۋلىمەن «وكم وپەراتورى» جشس-نىڭ جارعىلىق كاپيتالىنا ءجۇز پايىز قاتىسۋ ۇلەسى مەملەكەت مەنشىگىنە قابىلدانعانى ايقىندالدى. مينيستر حابارلاعانداي، وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ جاڭا وپەراتورى رەتىندە مەملەكەتتىڭ 100% قاتىسۋىمەن «جاسىل دامۋ» اق انىقتالدى. جارعىلىق كاپيتالدا اق-نىڭ باسقا مەنشىك يەلەرى جوق. ۋتيليزاسيالىق الىم مولشەرلەمەلەرىن قايتا قاراۋ ءۇشىن ۆەدومستۆوارالىق جۇمىس توبى قۇرىلدى، وعان جۇرتشىلىق، بيزنەس جانە مۇددەلى مەملەكەتتىك ورگانداردىڭ وكىلدەرى كىردى.
«27 قاڭتاردا كابەل-سىم ونىمدەرىنە ۋتيليزاسيالىق الىم مولشەرلەمەلەرىن (كوەففيسيەنتتەرىن) قايتا قاراۋ ماسەلەسى تالقىلاندى. جۇمىس توبىنىڭ مۇشەلەرى قازىرگى ۋاقىتتا ق ر ەكولوگيا، گەولوگيا جانە تابيعي رەسۋرستار، يندۋستريا جانە ينفراقۇرىلىمدىق دامۋ مينيسترلىكتەرى كابەل-سىم ونىمدەرىنە ۋتيليزاسيالىق الىم الۋ مەرزىمىن 2023 جىلعى 1 قاڭتارعا دەيىن شەگەرۋ بويىنشا جۇمىس جۇرگىزىپ جاتقانىن حابارلادى»، – دەدى س.برەكەشيەۆ.
بۇل شەشىم كابەل-سىم ونىمدەرىن يمپورتتاۋشىلارمەن جانە وندىرۋشىلەرمەن تالقىلاۋ كەزىندە قابىلداندى. «اتامەكەن» ۇكپ قورىتىندىسىندا ۋتيليزاسيالىق تولەمدى ىنتالاندىرۋ ەرەجەلەرى مەن ەسەپتەۋ ادىستەمەسىنە تۇزەتۋلەر ۇسىنىلدى. ەكولوگيا مينيسترلىگى ءتيىستى بۇيرىق جوباسىن ازىرلەدى، ول مەملەكەتتىك ورگاندارمەن كەلىسىلۋ ساتىسىندا.