ونىڭ ىشىندە 85 پايىزى - جۇمىسسىزدار.
2021 جىلدىڭ ون ەكى ايىندا ەلىمىزدە «ۇرلىق» بابى بويىنشا 57،5 مىڭ قىلمىستىق قۇقىقبۇزۋشىلىق تىركەلگەن، بۇل وتكەن جىلمەن سالىستىرعاندا 14،5%-عا از، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
قازاقستان رەسپۋبليكاسىندا سوڭعى بەس جىلدا ۇرلىق جىلدان جىلعا ازايىپ كەلەدى. ماسەلەن، 2020 جىلعى قاڭتار-جەلتوقساندا ۇرلىق سانى 51،7%-عا ازايىپ، 67،3 مىڭ بولسا؛ بەس جىل بۇرىن، 2017 جىلى - 10،4% -عا ازايىپ، 193،2 مىڭ بولعان.
2021 جىلى قۇقىقبۇزۋشىلىق سالاسىنداعى قىلمىستىڭ 5،2 مىڭى پاتەر ۇرلىعى بولسا، 1،8 مىڭى قالتاعا ءتۇسۋ بولدى. سونداي-اق 13،5 مىڭ ۇيالى تەلەفون ۇرلىعى، 4 مىڭ كولىك ۇرلىعى، 889 ءتۇستى مەتالل ۇرلىعى تىركەلدى.
وڭىرلىك تۇرعىدان العاندا، بارلىق ۇرلىقتىڭ 20،8%-ى الماتى قالاسىندا تىركەلگەن: 12 مىڭ قىلمىس – بۇل ءبىر جىل بۇرىنعىدان 18،2%-عا از. سونداي-اق قىلمىستىق «كوشباسشىلىقتىڭ» العاشقى ۇشتىگىنە ەلوردا (5،4 مىڭ، جىلىنا 15،1%-عا ارتىق ) جانە الماتى وبلىسى (4،9 مىڭ جاعداي، جىلىنا 13%-عا كەم ) كىرەدى.
ۇرلىقتىڭ ەڭ ازى تىركەلۋى ماڭعىستاۋ وبلىسىندا: 851 فاكت، جىلىنا 11،2% -عا كەم.
مۇنداي قىلمىستار سانىنىڭ ەڭ كوپ ءوسىمى ەلوردادا (26،4%-عا ارتقان) تىركەلسە، كوبىرەك كەمىگەنى تۇركىستان وبلىسىندا (1،2 مىڭ قۇقىق بۇزۋشىلىققا دەيىن) بايقالدى.
2021 جىلى جەكە تۇلعالارعا قاتىستى 51،9 مىڭ، زاڭدى تۇلعالارعا 3،1 مىڭ ۇرلىق جاسالعان. 9 قىلمىستىڭ كەسىرىنەن جابىرلەنۋشى قايتىس بولعان.
ۇرلىق جاساۋشىلاردان 25،6 مىڭ ايەل، 2،1 مىڭ زەينەتكەر، 362 ستۋدەنت، 174 كامەلەتكە تولماعان بالا، 25 مۇگەدەكتىگى بار ادام، 3 سوتتالۋشى زارداپ شەككەن.
2021 جىلدىڭ 12 ايىنىڭ قورىتىندىسى بويىنشا «ۇرلىق» بابىمەن ۇستالعان 21،6 مىڭ ادام قىلمىستىق قۇقىق بۇزۋشىلىق جاساعان، بۇل وتكەن جىلمەن سالىستىرعاندا 24،8%-عا از. ونىڭ ىشىندە 85،2% جۇمىسسىز، ياعني 18،4 مىڭ ادام. سونداي-اق «ۇرلىق» بابىمەن ۇستالعانداردىڭ ىشىندە 1،2 مىڭ جۇمىسشى، 433 ستۋدەنت، 52 جەكە كاسىپكەر، 20 مەملەكەتتىك قىزمەتشى بار.
