ماماندار كۇزدىك داقىلداردىڭ جاعدايى جاقسى ەكەنىن ايتىپ وتىر

ەگىستىڭ جاعدايى جاقسى.

قازاقستاندىق ماماندار كۇزدىك داقىلداردىڭ قىستاۋدى اياقتاۋ ءۇشىن مەتەورولوگيالىق جاعدايلار قاناعاتتانارلىق بولعانىن ايتىپ وتىر، دەپ حابارلايدى Almaty-akshamy.kz Eldala.kz سىلتەمە جاساپ. 

ناۋرىزدىڭ ءبىرىنشى ونكۇندىگىندە رەسپۋبليكانىڭ وڭتۇستىگىندە، وڭتۇستىك-شىعىسىندا كۇزدىك داقىلدار وسىرىلەتىن اۋدانداردا تەمپەراتۋرالىق جاعداي نەگىزىنەن نورمادان 1 ... 9س جوعارى بولدى، باتىستا 2...4س، جاۋىن-شاشىن نورمادان كوپ ءتۇستى. جالپى، كۇزدىك داقىلداردى قىستاۋدى اياقتاۋ ءۇشىن مەتەورولوگيالىق جاعدايلار قاناعاتتانارلىق بولدى. بۇل تۋرالى «قازگيدرومەتتىڭ» ناۋرىز ايىنىڭ ءبىرىنشى ونكۇندىگىندە اگرومەتەورولوگيالىق شولۋىندا حابارلاندى.

تۇركىستان وبلىسىنداعى باقىلاناتىن ۋچاسكەلەردە كۇزدىك داقىلداردىڭ ۆەگەتاسيالىق جاڭارۋى بايقالادى. كۇزدىك بيدايدىڭ دامۋ كەزەڭى "كوشەتتەر"-"3ء-شى جاپىراق"، وسىمدىكتەردىڭ بيىكتىگى 4-17 سم.

«ەگىستىڭ جاعدايى جاقسى دەپ باعالانادى، وسىمدىكتەردىڭ ورتاشا سانى 1 م2-گە 148-332 داناعا جەتەدى. جوڭىشقا شوپتەرىنىڭ جاي-كۇيى نەگىزىنەن جاقسى، بايدىبەك اۋدانىنداعى بوگەن جانە ەكپىندى اگروبەكەتيەرىنىڭ ماڭايىندا "ساباعىنىڭ ءوسۋى" دامۋ فازاسى قاناعاتتانارلىق. جوڭىشقا شوپتەرىنىڭ بيىكتىگى 5 سم-گە دەيىن جەتتى»، - دەپ حابارلايدى «قازگيدرومەت». 

الماتى وبلىسىندا كۇزدىك بيدايدىڭ تۇپتەۋ تورابىنىڭ تەرەڭدىگىندە (3 سم) توپىراقتىڭ ەڭ تومەنگى تەمپەراتۋراسى 0°س-دان مينۋس 2°س-عا دەيىن، جامبىل وبلىسىندا 0°س جانە تۇركىستان وبلىسىندا پليۋس 1...4°س قۇرادى.