حالىقارالىق ەسىرتكى بيزنەسىنە قارسى ءىس-شارالار جالعاسۋدا.
ەسىرتكى جانە پسيحوتروپتىق زاتتاردىڭ تارالۋىنا قارسى ءىس-قيمىل شەڭبەرىندە ۇلتتىق قاۋىپسىزدىك كوميتەتى ەسىرتكى قاۋىپتەرىنىڭ جولىن كەسۋ بويىنشا جەدەل ىزدەستىرۋ ءىس-شارالارىنىڭ كەشەنىن ىسكە اسىرۋدا، دەپ حابارلايدى Almaty-akshamy.kz.
«اعىمداعى جىلدىڭ ماۋسىم ايىندا ۇقك 21 ەسىرتكىگە قارسى وپەراسيا، ونىڭ ىشىندە رەسەي، قىرعىزستان جانە وزبەكستاننىڭ ارنايى قىزمەتتەرى مەن قۇقىق قورعاۋ ورگاندارىمەن بىرلەسىپ جۇرگىزدى.ەسىرتكى ترافيگىنىڭ 6 حالىقارالىق جانە 12 وڭىرلىك ارناسى جويىلدى. سينتەتيكالىق ەسىرتكى وندىرەتىن 3 جاسىرىن زەرتحانانىڭ قىزمەتى بەيتاراپتاندىرىلدى»، - دەلىنگەن ۇقك باسپا ءسوز قىزمەتىنىڭ حابارلاماسىندا.
ارنايى وپەراسيالار بارىسىندا ەسىرتكى قۇرىلىمىنىڭ 31 قاتىسۋشىسى ۇستالدى. زاڭسىز اينالىمنان 120،6 كگ ەسىرتكى، ونىڭ ىشىندە 61،8 كگ سينتەتيكالىق ەسىرتكى (206 مىڭ "ءبىر رەتتىك دوزاعا" بالامالى)، 6 كگ ماريحۋانا، 52،7 كگ گاشيش تاركىلەندى. بۇدان باسقا، پسيحوتروپتىق زاتتاردى دايىنداۋعا ارنالعان 6000 ەكستازي تابلەتكاسى جانە 2 توننادان استام حيميالىق رەاگەنتتەر اينالىمنان شىعارىلدى.
ماۋسىم ايىندا الىنعان ەسىرتكىنىڭ جالپى سوماسى «قارا نارىقتا» 1،3 ملرد. تەڭگەدەن استام باعالانادى.