الماتىدا ءورتتىڭ تابيعي وشاقتارىن ەرتە انىقتاۋ ءۇشىن بەينەكامەرالار پايدالانىلادى

پاترۋلدەۋ كەزىندە تەپلوۆيزورى بار درون قولدانىلادى.

توتەنشە جاعدايلار دەپارتامەنتى الماتىدا ءورتتىڭ تابيعي وشاقتارىن ەرتە انىقتاۋ ءۇشىن بەينەكامەرالاردى پايدالانادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

الماتى قالالىق توتەنشە جاعدايلار دەپارتامەنتىنىڭ باسشىسى رۋسلان قاسىبايەۆتىڭ ايتۋىنشا، مۇنداي سيفرلىق يننوۆاسيا ءورتتى ءتۇتىن جانە جوعارى تەمپەراتۋرا بويىنشا ەرتە كەزەڭدە انىقتاۋعا مۇمكىندىك بەرەدى.

«ءبىز تابيعي پارك اۋماعىندا سمارت-كامەرا دەپ اتالاتىن وپتيكالىق سەنسورلىق جانە تەپلوۆيزور قوندىرعىلارىن ەنگىزۋ ماسەلەسىن پىسىقتاپ جاتىرمىز. تەمپەراتۋرا كامەرالارى ارقىلى بەينەباقىلاۋ جاياۋ جانە اۋە پاترۋلدەرىنە قاراعاندا ءتيىمدى جانە ارزان»، - دەدى سپيكەر.

ايتا كەتەرلىگى، مۇنداي كامەرالار تۇتانۋ كوزدەرىن اۆتوماتتى تۇردە انىقتاۋعا جانە كۇشتەر مەن ءورت سوندىرگىشتەردى جەتكىزۋ ءۇشىن ىڭعايلى مارشرۋتتاردى قۇرۋعا قابىلەتتى. «قازاۆياورمانقورعاۋ» الماتى قۇتقارۋشىلارىنا ءورتتى تەز ارادا جويۋعا كومەكتەسەدى. ىستىق كەزەڭدە كۇن سايىن تاۋلى-ورماندى ايماقتىڭ ۇستىنەن ۇشۋ جۇزەگە اسىرىلادى. پاترۋلدەۋ كەزىندە تەپلوۆيزورى بار درون قولدانىلادى.

«درون ءورت شىققان جەرلەردى انىقتاۋعا جانە وعان تجد ءموبيلدى توپتارىن جىبەرۋگە مۇمكىندىك بەرەدى. وسىنداي سىن-قاتەرلەردىڭ بارلىعى جوعارى قاۋىپتىلىك دارەجەسىنە يە»، - دەپ قوستى ول.