جۇمىس كۇشىنىڭ سانى 12،1 مىڭ ادامعا وسكەن.
قازاقستان ۇكىمەتى ەلدەگى ەڭبەك نارىعىنداعى احۋال تۇراقتالعانىن ايتادى. رەسمي مالىمەت بويىنشا، جىلدىق ديناميكادا جۇمىس كۇشىنىڭ سانى 12،1 مىڭ ادامعا وسكەن، دەپ حابارلايدى Almaty-akshamy.kz.
«ەڭبەك رەسۋرستارىن دامىتۋ ورتالىعى» اق دەرەكتەرى بويىنشا، بيىلعى جىلدىڭ 3-توقسانىندا قازاقستاننىڭ ەڭبەك نارىعىنداعى احۋال تۇراقتى بولىپ قالدى. بۇل رەتتە وتكەن توقسانمەن سالىستىرعاندا جالپى جۇمىس كۇشىنىڭ (-4،4 مىڭ ادام) 9،3 ملن-عا دەيىن شامالى قىسقارۋى بايقالدى، ال ءوزىن-وزى جۇمىسپەن قامتىعاندار سانى (+4،6 مىڭ ادام) 2،1 ملن-عا دەيىن ءوستى، ولاردىڭ باسىم كوپشىلىگى (92% نەمەسە 1،9 ملن ادام) - ناتيجەلى ءوزىن-وزى جۇمىسپەن قامتىعاندار»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
جىلدىق ديناميكادا جۇمىس كۇشىنىڭ سانى 12،1 مىڭ ادامعا ءوستى، تابىسى ەڭ تومەنگى كۇنكورىس دەڭگەيىنەن تومەن (-8،4 مىڭ ادام) ءوزىن-وزى جۇمىسپەن قامتىعاندار سانىنىڭ قىسقارۋ ءۇردىسىن ساقتاپ قالدى.
«3-توقساننىڭ قورىتىندىسى بويىنشا، جۇمىسپەن قامتىلعاندار سانى شامامەن 8،8 ملن ادامدى قۇرايدى جانە الدىڭعى توقسانمەن سالىستىرعاندا 2،8 مىڭعا نەمەسە جۇزدەن 3 پايىزعا تومەندەدى، ءبىراق وتكەن جىلدىڭ سايكەس كەزەڭىمەن سالىستىرعاندا، كەرىسىنشە، 12،5 مىڭعا نەمەسە وننان ءبىر پايىزعا ءوستى. جالدامالى جۇمىسكەرلەردىڭ سانى ءالى دە 6،7 ملن، ال جۇمىسسىزدار سانى 450 مىڭعا جۋىق ادامدى قۇرايدى»، – دەدى ەردو باسقارۋشى ديرەكتورى الەكساندرا مولچانوۆسكايا.
اۋىل/قالا بولىنىسىندە جۇمىس كۇشىنىڭ قۇرىلىمىنا قاتىستى ترەند وزگەرگەن جوق: قالالار جالدامالى جۇمىسشىلار ءۇشىن (65%)، ال اۋىل ءوزىن-وزى جۇمىسپەن قامتىعاندار ءۇشىن (57%) باستى الاڭ بولىپ قالا بەرەدى.
جالپى، وتكەن توقساندا جۇمىسسىز حالىقتىڭ جالپى سانىنىڭ تومەندەۋى بايقالدى، بۇل سالىستىرمالى تۇردە اعىمداعى جىلدىڭ 2-توقسانىنا دا قاتىستى، وتكەن جىلدىڭ ۇقساس كەزەڭىنە دە قاتىستى كورىنىپ وتىر. ماسەلەن، 2022 جىلدىڭ الدىڭعى توقسانىمەن سالىستىرعاندا جۇمىسسىزدار سانى 1،6 مىڭ ادامعا، ال وتكەن جىلدىڭ سايكەس كەزەڭىمەن سالىستىرعاندا 448 ادامعا ازايدى.
«ەگەر تۇرعىلىقتى جەر بولىنىسىندە جۇمىسسىزدىق دەڭگەيىندە ەلەۋلى وزگەرىستەر بولماسا، وندا جىنىسى بويىنشا بولىنىسىندە ايەلدەر اراسىندا جۇمىسپەن قامتىلماۋدىڭ توقساندىق ءوسۋى (+0،4 پ.ت.) 5،7%-عا دەيىن جانە ونىڭ ەرلەر اراسىندا (-0،3 پ. ت.) 4،1%-عا دەيىن تومەندەۋى بايقالادى. وسى جىلدىڭ 3-توقسانىندا جاستار جۇمىسسىزدىعىنىڭ دەڭگەيى 0،1 پ.ت. ارتىپ، 3،9% - عا تەڭ بولدى. ەرەسەكتەر اراسىنداعى سەكىلدى، جاس ايەلدەر اراسىنداعى جۇمىسسىزدىق (4،3%) جاس ەر ادامدارعا قاراعاندا (3،3%) كوپ»، – دەپ حابارلادى الەكساندرا مولچانوۆسكايا.
وڭىرلىك بولىنىستە الدىڭعى توقسانمەن سالىستىرساق، جەكەلەگەن وڭىرلەردەگى ازىن-ششوعىن اۋىتقۋلاردى قوسپاعاندا، جۇمىسسىزدىق دەڭگەيى ءىس جۇزىندە وزگەرگەن جوق. ماسەلەن، ماڭعىستاۋ (5،3%)، تۇركىستان (5،3%)، باتىس قازاقستان (5%)، قىزىلوردا وبلىستارىندا (5%)، سونداي-اق الماتى (5%) جانە شىمكەنت (5%) قالالارىندا جۇمىسسىزدىق دەڭگەيى ورتاشا رەسپۋبليكالىق ماننەن (4،9%) جوعارى تىركەلدى. جۇمىسسىزدىقتىڭ ەڭ تومەنگى دەڭگەيى ۇلىتاۋ وبلىسىندا (4،1%) جانە قاراعاندى وڭىرىندە (4،3%) بايقالدى.
جەكە توپتار بويىنشا جالدامالى جۇمىسشىلار اراسىندا ماۋسىمدىق وزگەرىستەر انىق كورىنەدى. ماسەلەن، توقساندىق كەزەڭدە فەرمەرلەردەن جانە اقس شارتتارى بويىنشا جازعى ۋاقىتتا جانە اۋىل شارۋاشىلىعى جۇمىستارى كەزەڭىندە جالداۋ بويىنشا جۇمىس ۇلعايدى، بۇل رەتتە ءبىر جىلدىق كەزەڭدە جالدامالى جۇمىسپەن قامتۋدىڭ ءوسۋى ۇيىمداردا بايقالادى (بارلىق جالدامالى جۇمىسپەن قامتىلعانداردىڭ 87%-ى نەمەسە 5،9 ملن ادام).
«وڭىرلىك بولىنىستە ۇستىمىزدەگى جىلدىڭ 3-توقسانىنداعى جاعداي بويىنشا جالدامالى جۇمىسپەن قامتۋ، ادەتتە، مەگاپوليستەرمەن قاتار قاراعاندى، پاۆلودار جانە اقتوبە وبلىستارىندا باسىم، مۇندا ءاربىر بەسىنشى جالدامالى جۇمىس ىستەيدى. ال ءوزىن-وزى جۇمىسپەن قامتىعانداردىڭ ىشىندەگى ۇشتىكتە تۇركىستان، الماتى جانە قىزىلوردا وبلىستارى بار، ولاردىڭ جالپى سانى 751،2 مىڭ نەمەسە بارلىق ءوزىن-وزى جۇمىسپەن قامتىعانداردىڭ 35%»،–دەپ تولىقتىردى الەكساندرا مولچانوۆسكايا.
ەكونوميكالىق قىزمەت تۇرلەرى بويىنشا، الدىڭعى توقسانداعىداي، جۇمىسپەن قامتىلعان حالىق سانى بويىنشا كوشباسشىلار ساۋدا، اۋىل شارۋاشىلىعى، ءبىلىم بەرۋ جانە ونەركاسىپ سالالارى بولىپ قالا بەرەدى، وندا شامامەن 4،8 ملن ادام نەمەسە بارلىق جۇمىسپەن قامتىلعان حالىقتىڭ 55% - ى جۇمىس ىستەدى.
سونىمەن قاتار شىلدە-قىركۇيەك ايلارىندا جۇمىسپەن قامتىلعاندار سانى بويىنشا ەڭ كوپ ءوسىمدى ونەر، ويىن-ساۋىق جانە دەمالىس (+4،8% نەمەسە +6،6 مىڭ ادام)، تۇرۋ جانە تاماقتانۋ (+4،1% نەمەسە +7،6 مىڭ ادام) جانە كولىك (+3،4% نەمەسە +20،9 مىڭ ادام) سالالارى كورسەتتى. ءدال وسى سالالار وتكەن جىلدىڭ سايكەس كەزەڭىنە قاتىستى جۇمىسپەن قامتىلعان حالىقتىڭ وسۋىندەگى ەڭ ۇلكەن ديناميكانى كورسەتەدى. توقسان ىشىندە جۇمىسپەن قامتىلعاندار سانىنىڭ بارىنشا ازايۋى باسقا قىزمەت تۇرلەرىنىڭ (-15،8 مىڭ ادام نەمەسە -4،8%)، قارجى جانە ساقتاندىرۋ قىزمەتىنىڭ (-10،5 مىڭ ادام نەمەسە -5،6%) جانە ەنەرگەتيكانىڭ (-7،2 مىڭ ادام) قىزمەتكەرلەرى اراسىندا بايقالدى. نەمەسە -4،9%). سوڭعى سالا جاعدايىندا جۇمىسپەن قامتۋدىڭ قىسقارۋى جىلجىمايتىن مۇلىكپەن (-5،4% نەمەسە 9،4 مىڭ ادام) وپەراسيالارمەن جانە اكىمشىلىك جانە قوسالقى قىزمەت كورسەتۋ سالاسىنداعى قىزمەتپەن (-4،6% نەمەسە 13،1 مىڭ ادام) قاتار جىلدىق ديناميكادا بايقالادى.
كاسىبي توپتار بولىنىسىندە الدىڭعى توقسانمەن سالىستىرعاندا ءوسۋ ءۇردىسى باسشىلار (+5% نەمەسە 27،6 مىڭ ادام)، ونەركاسىپ، قۇرىلىس جانە كولىك سالاسىنىڭ قىزمەتكەرلەرى (+6% نەمەسە 43،9 مىڭ ادام) اراسىندا بايقالادى. بۇل رەتتە اكىمشىلىك سالاسىنداعى قىزمەتكەرلەر توبىندا جۇمىسپەن قامتىلعانداردىڭ كۇرت تومەندەۋى بايقالدى (-15% نەمەسە 60،6 مىڭ ادام). سونىمەن قاتار، جىلدىق ديناميكادا اكىمشىلىك پەرسونالدىڭ جانە بىلىكتىلىگى جوق جۇمىسشىلار توبىنىڭ ۇقساس قىسقارۋى بايقالادى، ولار 97 مىڭ ادامعا (-7%) از بولدى.
ءۇشىنشى توقساندا اپتاسىنا ەڭ از ساعات (10 ساعاتتان از) جۇمىس ىستەيتىن ادامداردىڭ سانى – 37%-عا نەمەسە 75 مىڭ ادامعا ايتارلىقتاي ءوستى. بۇل رەتتە نەگىزگى جۇمىسىنان باسقا قوسىمشا جۇمىسى بار جۇمىسپەن قامتىلعان ادامدار سانى – 32% نەمەسە 55 مىڭ ادامعا كوبەيدى.
«توقساندىق ديناميكادا قازاقستاندىقتاردىڭ ورتاشا ايلىق اتاۋلى جالاقىسى 4% - عا (-12،2 مىڭ تەڭگە) تومەندەدى، ءبىراق بۇل رەتتە ءبىر جىل ىشىندە ول، كەرىسىنشە، 23% - عا ءوسىپ، ءۇشىنشى توقساننىڭ قورىتىندىسى بويىنشا 299،8 مىڭ تەڭگەنى قۇرادى. ءداستۇرلى تۇردە رەسپۋبليكالىق دەڭگەيدەن جوعارى جالاقى اتىراۋ (527 مىڭ تەڭگە)، ماڭعىستاۋ وبلىستارىندا (450 مىڭ تەڭگە)، استانا جانە الماتى قالالارىندا (389،5 مىڭ تەڭگە جانە 338،6 مىڭ تەڭگە)، سونداي-اق ۇلىتاۋ وبلىسىندا (394،7 مىڭ تەڭگە) تىركەلگەن»، – دەپ حابارلادى الەكساندرا مولچانوۆسكايا.
ەكونوميكالىق قىزمەت تۇرلەرى بولىنىسىندە اۋىل شارۋاشىلىعى (+21%-عا 219،9 مىڭ تەڭگەگە دەيىن)، كولىك (+9%-عا 393،9 مىڭ تەڭگەگە دەيىن)، سونداي-اق ونەركاسىپ سالاسى (+7%-عا 415،5 مىڭ تەڭگەگە دەيىن) ورتاشا ايلىق اتاۋلى جالاقىنىڭ ءوسۋى بويىنشا كوشباسشىلار بولدى. ەڭبەكاقىنىڭ ورتاشا مولشەرىنىڭ قىسقارۋى ءبىلىم بەرۋدە (-24%-عا 222،9 مىڭ تەڭگەگە دەيىن) جانە قارجىلىق جانە ساقتاندىرۋ قىزمەتىندە (-9%-عا 535،7 مىڭ تەڭگەگە دەيىن) بايقالادى.