نارىق سۋبەكتىلەرىنە مۇنداي بۇزۋشىلىقتاردى توقتاتۋ جانە ولاردىڭ الداعى ۋاقىتتا قايتالاماۋ تۋرالى حابارلامالار جىبەرىلدى.
باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى قالاداعى ءىرى اۆتوسالونداردىڭ ارەكەتىنەن مونوپولياعا قارسى زاڭنامانى بۇزۋ بەلگىلەرىن انىقتادى، دەپ حابارلايدى Almaty-akshamy.kz Inbusiness.kz سىلتەمە جاساپ.
«جاڭا اۆتوكولىكتەردى ساتۋ نارىعىنداعى باسەكەلەستىك جاعدايىن تالداۋ ناتيجەلەرى، سونداي-اق الماتى قالاسى پروكۋراتۋراسىنىڭ ماتەريالدارى نەگىزىندە ءبىرقاتار اۆتوسالوندار ارەكەتتەرىنە قاتىستى، ۇستەم جاعدايدى تەرىس پايدالانۋ بولىگىندە، تۇتىنۋشىلارعا قوسىمشا تاۋارلاردى تاڭۋ جانە اۆتوكولىكتەردى ساتۋ بويىنشا قىزمەتتەر كورسەتۋدە، قازاقستان رەسپۋبليكاسىنىڭ باسەكەلەستىك زاڭناماسىن بۇزۋ بەلگىلەرى انىقتالدى»، – دەپ حابارلادى اگەنتتىك.
بيىلعى جىلدىڭ 27 ماۋسىمىندا اتالعان نارىق سۋبەكتىلەرىنە مۇنداي بۇزۋشىلىقتاردى توقتاتۋ جانە ولاردىڭ الداعى ۋاقىتتا قايتالاماۋ تۋرالى حابارلامالار جىبەرىلدى.
«كاسىپكەرلىك كودەكستىڭ نورمالارىنا سايكەس، نارىق سۋبەكتىسى حابارلامادا كورسەتىلگەن ارەكەتتەردى بەلگىلەنگەن مەرزىمدەردە توقتاتپاسا، مونوپولياعا قارسى ورگان تەرگەپ-تەكسەرۋ جۇرگىزۋ تۋرالى شەشىم قابىلدايدى. حابارلامانى ورىنداۋدىڭ جانە ونىڭ ورىندالعانى تۋرالى اقپاراتتى ۇسىنۋدىڭ سوڭعى مەرزىمى ونى نارىق سۋبەكتىسى العان كۇننەن باستاپ كۇنتىزبەلىك وتىز كۇندى قۇرايدى»، – دەپ حابارلادى اگەنتتىك.