تازارتۋ جۇمىستارىن 337 ادام جۇرگىزدى.
الماتىداعى وزەن ارنالارى تازاردى. مۇنداي جۇمىستار قالادا وتكەن «كوكتەم-2022 رەسپۋبليكالىق كوماندالىق-شتابتىق وقۋ-جاتتىعۋ اياسىندا جۇرگىزىلدى، دەپ حابارلايدى Almaty-akshamy.kz قالالىق تجد باسپا ءسوز قىزمەتىنە cىلتەمە جاساپ.
نەگىزگى جاتتىعۋ جۇمىستارى الاتاۋ اۋدانىندا «قارعالى» وزەنىنىڭ جاعاسىندا جۇرگىزىلدى. وزەن ارناسىنىڭ ءتۇبى تەرەڭدەتىلىپ، قاتتى تۇرمىستىق قالدىقتار شىعارىلدى.
بۇل سۋ اعىنىن جىلدام وتكىزۋىنە مۇمكىندىك بەرىپ، اۋدانداعى 57 جەكە تۇرعىن ءۇيدى سۋ باسۋ قاۋپىنەن قورعايدى. وقۋ-جاتتىعۋ قالانىڭ قالعان 7 اۋدانىندا دا وتكىزىلدى. ونىڭ اياسىندا وزەن ارنالارى مەن ارىق جۇيەلەرى قاتتى-تۇرمىستىق قالدىقتاردان تازارتىلدى. بارلىعى 42 شاقىرىم وزەن ارنالارى تازارتىلىپ، 520 تەكشە مەتردەن استام قاتتى تۇرمىستىق قالدىقتار شىعارىلدى.
«وقۋ-جاتتىعۋعا جالپى سانى 337 ادام ق ر ۇۇ «وڭتۇستىك» وڭىرلىك قولباسشىلىعى، قالانىڭ ازاماتتىق قورعاۋ قىزمەتتەرى، ۆولونتەرلىك ۇيىمدارى مەن ق ر تجم اۋماقتىق بولىمشەلەرى جانە 67 ارنايى جانە ينجەنەرلىك تەحنيكا جۇمىلدىرىلدى»، - دەلىنگەن تجد حابارلاماسىندا.
