قۇتقارۋشىلار قالا تۇرعىندارىن ۇيدەن شىقپاۋعا شاقىردى.
اقتاۋدا كوتەرىلگەن داۋىلدىڭ سالدارىنان بىرنەشە نىسان قۇلاپ، جاقىن ماڭدا تۇرعان اۆتوكولىكتەرگە زاقىم كەلدى، دەپ حابارلايدى Almaty-akshamy.kz Turkystan.kz سىلتەمە جاساپ.
جەرگىلىكتى باسىلىمنىڭ مالىمەتىنشە، اقتاۋداعى 26-شاعىناۋدانداعى 41ء-ۇيدىڭ ماڭىندا قورشاۋدىڭ كىرپىشتەرى وپىرىلىپ، جاقىن جەردە تۇرعان كولىكتىڭ توبەسىنە قۇلاعان. كۋاگەرلەردىڭ ايتۋىنشا، ەسكى قۇرىلىس قاتتى جەلگە توتەپ بەرە الماعان.
تاعى ءبىر كەلەڭسىز وقيعا 5-شاعىناۋدانداعى وبلىستىق فيلارمونيا عيماراتىندا بولدى. سونداي-اق كوپ قاباتتى ءۇيدىڭ سىلاقتارى تومەندە تۇرعان كولىكتىڭ ۇستىنە وپىرىلىپ تۇسكەنى تۋرالى حابارلاندى.
وبلىستىق توتەنشە جاعدايلار جونىندەگى دەپارتامەنت ماماندارى ءوڭىردىڭ كەيبىر جەرلەرىندە جەلدىڭ جىلدامدىعى سەكۋندىنا 30 مەترگە دەيىن كۇشەيەتىنىن ەسكەرتتى. ۆەدومستۆو وبلىس تۇرعىندارىنا ۇيدەن شىقپاۋعا، كولىكتەرىن اعاشتار مەن سەنىمسىز قۇرىلىستاردان الىس قويۋعا كەڭەس بەردى.
