استانادا ىشكى ىستەر ءمينيسترىنىڭ ورىنباسارى ەرجان سادەنوۆتىڭ توراعالىعىمەن “قازاقستان رەسپۋبليكاسىندا ادام ساۋداسىنا قارسى ءىس-قيمىل تۋرالى” زاڭ جوباسىن ازىرلەۋ جونىندەگى ۆەدومستۆوارالىق جۇمىس توبىنىڭ ەكىنشى وتىرىسى ءوتتى.
زاڭ جوباسى مەملەكەت باسشىسىنىڭ ادام قۇقىقتارى سالاسىنداعى ودان ارعى شارالار تۋرالى تاپسىرماسى جانە زاڭنىڭ ۇستەمدىگى اياسىنداعى شارالارعا وراي ازىرلەنۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
وتىرىسقا ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ حاتشىسى، ادام قۇقىقتارى جونىندەگى ۇلتتىق ورتالىقتىڭ ساراپشىلارى، ءبىلىم، دەنساۋلىق ساقتاۋ، ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ، باس پروكۋراتۋرانىڭ، قارجى مونيتورينگى اگەنتتىگىنىڭ، رەسپۋبليكالىق ادۆوكاتتار القاسىنىڭ، ەكونوميكالىق زەرتتەۋلەر ينستيتۋتىنىڭ، ۇلتتىق كاسىپكەرلەر پالاتاسىنىڭ، ەلوردانىڭ جەتەكشى جوعارى وقۋ ورىندارىنىڭ، حالىقارالىق جانە ۇكىمەتتىك ەمەس ۇيىمداردىڭ وكىلدەرى قاتىستى.
جۇمىس توبى زاڭ جوباسىندا قولدانىلاتىن نەگىزگى ۇعىمداردى، زاڭ جوباسىنىڭ قولدانىلۋ اياسى، پرينسيپتەرى، ماقساتتارى مەن مىندەتتەرى، ۋاكىلەتتى ورگانداردىڭ ادام ساۋداسىنا قارسى ءىس-قيمىل سالاسىنداعى قىزمەتتى ۇيلەستىرۋ جونىندەگى فۋنكسيالارى، مەملەكەتتىك ورگانداردىڭ، كوممەرسيالىق ەمەس ۇيىمداردىڭ قۇزىرەتتەرىن جانە باسقا دا ماسەلەلەردى تالقىلادى. زاڭ جوباسىن ەنگىزۋ مەرزىمدەرى: 2023 جىلعى قاڭتار – ادىلەت مينيسترلىگىنە، 2023 جىلعى اقپان – ۇكىمەتكە، ال 2023 جىلعى ءساۋىر – پارلامەنتكە ەنگىزۋ بەلگىلەندى. ازىرلەۋ جۇمىستارى جالعاسۋدا.