الماتى قالاسىنىڭ الاتاۋ اۋدانىنداعى وقۋشىلاردىڭ يننوۆاسيالىق شىعارماشىلىق ورتالىعىندا پرەزيدەنت كەڭەسشىسى مالىك وتاربايەۆ الماتى ءبىلىم باسقارماسى مەن پەداگوگتار قاۋىمىمەن كەزدەسۋ وتكىزدى.
كەزدەسۋ بارىسىندا مەملەكەت باسشىسىنىڭ «ادىلەتتى قازاقستان: زاڭ جانە ءتارتىپ، ەكونوميكالىق ءوسۋ، قوعامدىق وپتيميزم» اتتى جولداۋى تالقىلاندى. جولداۋدا ايتىلعان ءبىلىم بەرۋ سالاسىنىڭ ودان ءارى دامۋى جانە ماماندار دايارلاۋ ماسەلەلەرى باستى نازاردا بولدى.
– ءبىلىم – قوعام مەن ەكونوميكانىڭ ءساتتى دامۋىنىڭ نەگىزى. ساپالى ءبىلىمنىڭ ماڭىزدىلىعىن اسىرا باعالاۋ قيىن. تەحنولوگيالاردىڭ جىلدام وزگەرۋى مەن جاھاندانۋ جاعدايىندا ءبىز جاس ماماندارعا تەك تەوريالىق ءبىلىم بەرىپ قانا قويماي، ولاردى كاسىبي ءومىردىڭ شىنايى سىناقتارىنا دايىنداۋىمىز قاجەت. جۇمىس نارىعىنا كىرگەن جاستار وزىمەن بىرگە جاڭا يدەيالار مەن يننوۆاسيالىق تاسىلدەردى اكەلەدى، سوندىقتان ولاردىڭ تالانتتارىن دامىتۋ جانە جۇزەگە اسىرۋ ءۇشىن جاعداي جاساۋ ماڭىزدى. الىنعان ءبىلىمدى ءىس جۇزىندە قولدانۋ، سىني جانە شىعارماشىلىق ويلاۋ قابىلەتتەرىن دامىتۋ – زاماناۋي ءبىلىمنىڭ اجىراماس بولىگى، – دەپ اتاپ ءوتتى مالىك وتاربايەۆ.
سونداي-اق، كىتاپ وقۋدىڭ ماڭىزدىلىعى مەن ونىڭ ءبىلىم بەرۋ پروسەسىندەگى نەگىزگى ءرول اتقاراتىنى اتاپ ءوتىلدى. بۇل تەك جيناقتالعان تاجىريبەنى جەتكىزىپ قانا قويماي، الەمدى تەرەڭ تۇسىنۋگە جانە تالداۋ قابىلەتىن دامىتۋعا مۇمكىندىك بەرەدى. سونىمەن قاتار، ءباسپاسوزدى دامىتۋ قاجەتتىلىگى دە ايتىلدى، سەبەبى باسپا باسىلىمدارى اقپاراتتىڭ ءتۇرلى كوزدەرىنە كەڭ قولجەتىمدىلىك بەرىپ، وقيعالاردى جاقسى تۇسىنۋگە ىقپال ەتەدى.
