الماتى قالاسىنىڭ تۇرعىندارى مەن قوناقتارى قالا كۇنىنە ارنالعان مەرەكەلىك ءىس-شارالار اياسىندا ەرەكشە كورىنىسكە كۋا بولۋدا. وركەستر، تەاتر ارتيستەرى مەن تانىمال انشىلەر ارنايى دايىندالعان كابريولەت اۆتوبۋسى ارقىلى قالانى ارالاپ، حالىقتى مەرەكەمەن قۇتتىقتاۋدا، دەپ حابارلايدى aqshamnews.kz
ارتيستەر ءارتۇرلى ايالدامالاردا جانە تانىمال ساياباقتاردا توقتاپ، كورەرمەندەرگە تەاترلاندىرىلعان قويىلىمدار مەن كونسەرتتەر ۇيىمداستىرىپ، مەرەكەلىك كوڭىل-كۇي سىيلاۋدا.
كابريولەت اۆتوبۋسى ارقىلى قالا تۇرعىندارى مەن قوناقتارى «الماتى ايالداماسى» جوباسىنا قاتىسۋشى ونەرپازداردى كەدەرگىسىز باقىلاي الادى. بۇل جوبا قالاداعى مەرەكەلىك كوڭىل-كۇيدى ارتتىرىپ، ادامداردى مادەنيەت پەن ونەرگە جاقىنداتا تۇسۋدە.
اۆتوبۋس باعىتىندا تۇڭعىش پرەزيدەنت ساياباعى، 28 گۆاردياشى-پانفيلوۆشىلار اتىنداعى ساياباق، اباي الاڭى، اربات، ورتالىق مادەنيەت جانە دەمالىس ساياباعى، سونداي-اق بىرنەشە اۆتوبۋس ايالدامالارى بار. ارتيستەر توبى وسى باعىتتار بويىنشا ءجۇرىپ ءوتىپ، ءار جەرگە توقتاۋدى جوسپارلاپ وتىر. بۇعان دەيىن ولار ۆوكزال الدىنداعى الاڭداردا، باراحولكا ايماعىندا، جانگەلدين اتىنداعى سكۆەردە، ساكەن سەيفۋللين اتىنداعى ساياباقتا جانە «گۇلدەر» ساياباعىندا ونەر كورسەتتى.
مەرەكەلىك ءىس-شارالار جالعاسا وتىرىپ، الماتى قالاسىنىڭ تۇرعىندارى مەن قوناقتارى وسىنداي ەرەكشە مادەني شارالاردان ۇلكەن اسەر الۋدا. وركەستردىڭ اۋەنى، تەاترلاندىرىلعان قويىلىمدار مەن انشىلەردىڭ ونەرى قالانىڭ ءتۇرلى اۋداندارىن جانداندىرىپ، مەرەكەلىك كوڭىل-كۇي سىيلاۋدا.