قازاقستاندا اۋىلدىڭ ىشىندە مال جۇرسە 40 مىڭ تەڭگە ايىپپۇل سالىنىپ جاتىر، دەپ حابارلايدى aqshamnews.kz
ۇلىسمەديا پورتالىنىڭ مالىمەتىنشە، اقتوبە وبلىسى تالدىساي اۋىلىنىڭ تۇرعىندارى ايىپپۇلدان قۇتىلا الماي وتىرمىز دەيدى.
- وندا اۋىلدا نە ءۇشىن تۇرامىز؟ قالادان نەگە ءۇي الىپ كەتىپ قالمايمىز؟ وسى جەردە مال ۇستاۋ ءۇشىن، تازا قولدان شىققان ەت، ءسۇتىمىزدى ىشكىمىز كەلەدى. مالدىڭ ءبارىن اۋىلدىڭ شەتىنە اپارىپ، باقتاشىلارعا بەرەمىز. وتكەن جولى جىلقىلارىمدى باقتاشىلارعا بەردىم. ءار باسىنا 5 مىڭ تەڭگەدەن تولەيمىن. ال زەينەتاقىم از، 55-اق مىڭ، – دەيدى اۋىل تۇرعىنى.
تالدىساي اۋىلىندا 1977 جىلدان بەرى تۇراتىن روزا ەسىمدى تۇرعىننىڭ سوزىنشە، مۇندا بۇرىن حالىق ەگىنشىلىكپەن اينالىسقان.
- ءقازىر ءارقايسى بولەك شارۋا قوجالىعىمەن اينالىسادى. اۋىلدا ماسەلە كوپ. مىسالى ءشوپ قىمبات. مال جاياتىن جەر جوق. ال مال اۋىلدا جۇرسە ايىپپۇل سالادى. ءقازىر ءبىر عانا باقتاشى بار. ءبارىمىز سوعان ايدايمىز. ءار مال باسىنا اي سايىن اقشا تولەيمىز، – دەيدى تۇرعىن.
ونىڭ سوزىنشە، كوشەدە مال كەتىپ بارا جاتسا، ونى ۋچاسكەلىك پوليسەي كورسە ايىپپۇل سالادى.