مالايزيادا كوروناۆيرۋستىق ينفەكسيادان بولاتىن ءولىم-جىتىم سانى وسۋدە، دەپ حابارلايدى almaty-akshamy.kz كورولدىكتىڭ دەنساۋلىق ساقتاۋ مينيسترلىگىنە سىلتەمە جاساپ.
مالايزيادا COVID-19-دان اسقىنۋ قۇرباندارىنىڭ جالپى سانى 28 234 ادامعا جەتتى. سونداي-اق سوڭعى 24 ساعات ىشىندە ەلدە 6 210 SARS-CoV-2 تاسىمالداۋشىسى انىقتالدى.
جالپى، مالايزيادا پاندەميا باستالعاننان بەرى كوروناۆيرۋستىڭ جاڭا ءتۇرىن جۇقتىرۋدىڭ 2 413 592 جاعدايى راستالدى. 700-گە جۋىق پاسيەنت رەانيماسيادا، ونىڭ ىشىندە 306 ادام وكپەنى جاساندى جەلدەتۋ اپپاراتتارىنا قوسىلعان.
دەنساۋلىق ساقتاۋ مينيسترلىگىنىڭ مالىمەتىنشە، بۇگىنگى تاڭدا مالايزيادا تۇرعىنداردىڭ 71،8%-ى ەكپە العان. ەۋرووداق ەلدەرىنىڭ باسشىلارى ەۋروپالىق كوميسسيانى شەتەلدىك ۆاكسيناسيا سەرتيفيكاتتارىن ءوزارا راستاۋ جۇمىستارىن جىلدامداتۋعا شاقىردى.
بۇل تۋرالى بريۋسسەلدە وتكەن ءسامميتتىڭ ءبىرىنشى كۇنىنىڭ قورىتىندىسى بويىنشا حابارلاندى. سامميتكە قاتىسۋشىلار بۇل شارا ەۋرووداق ىشىندە ەركىن ءجۇرىپ-تۇرۋعا جانە بىرلەستىك ەلدەرىنە كىرۋگە ىقپال ەتەتىنىن اتاپ ءوتتى. رەسەي ەۋروپالىق وداقتىڭ COVID-19 ۆاكسيناسياسى تۋرالى سەرتيفيكاتتاردى ماقۇلداۋ شەشىمىنە قول جەتكىزۋدە.