مادەنيەت جانە سپورت ۆيسە-مينيسترى نۇرعيسا داۋەشوۆ ەلىمىزدىڭ قىسقى وليمپيادا ويىندارىنا قالاي دايىندالىپ جاتقانى تۋرالى ايتىپ بەردى، دەپ حابارلايدى almaty-akshamy.kz baq.kz سىلتەمە جاساپ.
ەسكە سالا كەتەيىك، 23 قىركۇيەكتە سەناتور نۇرجان نۇرسيپاتوۆ مادەنيەت جانە سپورت ءمينيسترى اقتوتى رايىمقۇلوۆاعا بەيجىڭدە وتەتىن XXIV قىسقى وليمپيادا ويىندارىنا دايىندىق بارىسى جايىندا ساۋال جولداعان بولاتىن.
2018 جىلدان باستاپ جىل سايىن وليمپيادالىق سپورت تۇرلەرى بويىنشا ۇلتتىق قۇراما كوماندالاردى دايىنداۋ بويىنشا مەملەكەتتىك تاپسىرىس شەڭبەرىندە مينيسترلىك پەن ۇلتتىق وليمپيادا كوميتەتى اراسىندا شارت جاسالۋدا. 2021 جىلعى 8 قاڭتارداعى مەملەكەتتىك تاپسىرىستىڭ اياسىندا ۇلتتىق وليمپيادا كوميتەتى قىسقى سپورت تۇرلەرى بويىنشا ۇلتتىق قۇراما كوماندالاردىڭ وليمپيادا ويىندارىنا دايىندىعىن قامتاماسىز ەتەدى، - دەدى داۋەشوۆ.
ايتۋىنشا، سپورت رەزەرۆىن دايارلاۋدىڭ وزەكتى ماسەلەلەرىن تالقىلاۋ جانە بىرلەسىپ شەشىم قابىلداۋ ماقساتىندا ءمينيستردىڭ توراعالىعىمەن 2021 جىلعى 17-24 تامىز ارالىعىندا وڭىرلىك دەنە شىنىقتىرۋ جانە سپورت باسقارمالارىنىڭ باسشىلارى مەن ۆەدومستۆولىق باعىنىستى ۇيىمداردىڭ، ۇلتتىق وليمپيادا كوميتەتى وكىلدەرىنىڭ قاتىسۋىمەن قىسقى سپورت تۇرلەرى بويىنشا باس جاتتىقتىرۋشىلار مەن فەدەراسيالاردى تىڭداۋ وتكىزىلدى.
تىڭداۋ قورىتىندىسى بويىنشا، پەكين قالاسىندا 2022 جىلعى XXIV قىسقى وليمپيادا ويىندارىنا دايىندىق بارىسى تۋرالى جول كارتاسى ازىرلەنىپ، بەكىتىلدى. جول كارتاسىندا وبلىستىق جانە رەسپۋبليكالىق ماڭىزى بار قالالاردىڭ دەنە شىنىقتىرۋ جانە سپورت باسقارمالارىنا، ۆەدومستۆولىق باعىنىستى ۇيىمدارعا، ۇلتتىق وليمپيادا كوميتەتىنە جانە قىسقى سپورت تۇرلەرى بويىنشا فەدەراسيالارعا ناقتى تاپسىرمالار بەرىلگەن.
2021 جىلعى 2 قىركۇيەكتە پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن بۇقارالىق سپورتتى دامىتۋ جانە پەكين قالاسىندا 2022 جىلعى XXIV قىسقى وليمپيادا ويىندارىنا دايىندىق ماسەلەلەرى بويىنشا مۇددەلى مەملەكەتتىك ورگانداردىڭ، بارلىق وڭىرلەر اكىمدەرى ورىنباسارلارىنىڭ، باس جاتتىقتىرۋشىلاردىڭ، قىسقى سپورت تۇرلەرى بويىنشا فەدەراسيالاردىڭ، ۇلتتىق وليمپيادا كوميتەتىنىڭ قاتىسۋىمەن كەڭەيتىلگەن كەڭەس ءوتتى. وندا، تيىسىنشە، قىسقى سپورت تۇرلەرىن دامىتۋدىڭ پروبلەمالىق ماسەلەلەرى بويىنشا حاتتامالىق تاپسىرمالار بەرىلدى، - دەدى ۆيسە-مينيستر دەپۋتاتتارعا بەرگەن جاۋابىندا.
سونداي-اق قىسقى سپورت تۇرلەرى بويىنشا ەلدىڭ شتاتتىق قۇراما كوماندالارى باس جاتتىقتىرۋشىلاردىڭ جەكە باسشىلىعىمەن بەكىتىلگەن جەكە دايىندىق جوسپارلارىنا سايكەس، قىسقى وليمپيادا ويىندارىنا بەلسەندى دايىندالىپ جاتىر.
2020 جىلدان باستاپ 2022 جىلعى قىسقى وليمپيادا ويىندارىنا ليسەنزيالاردى جەڭىپ الۋ بويىنشا ءتۇرلى الەمدىك ليسەنزيالىق، رەيتينگتىك تۋرنيرلەر وتكىزىلەدى. قازاقستاندىق سپورتشىلار، سونداي-اق باسقا ەلدەردىڭ سپورتشىلارى دا وسى تۋرنيرلەرگە قاتىسا وتىرىپ، وليمپيادا ويىندارىنا قاتىسۋ ءۇشىن رەيتينگتىك ۇپاي جينايدى. سوڭعى ليسەنزيالىق تۋرنير 2022 جىلدىڭ قاڭتار ايىندا وتەدى. 2022 جىلعى قاڭتار ايىنىڭ سوڭىندا رەيتينگتىك تۋرنيرلەردىڭ قورىتىندىلارى شىعارىلىپ، ليسەنزيالاردىڭ سانى ايقىندالادى. ايتا كەتۋ كەرەك، وليمپيادا ويىندارىنىڭ الدىندا ءبىزدىڭ سپورتشىلار 50-گە جۋىق ليسەنزيالىق تۋرنيرگە قاتىسۋدى جوسپارلاپ وتىر. قازاقستاندىق سپورتشىلار شاڭعى جارىسى، بياتلون، كونكيمەن جۇگىرۋ سپورتى، شورت-ترەك، فريستايل-موگۋل، فريستايلاكروباتيكا جانە تۇعىردان شاڭعىمەن سەكىرۋ بويىنشا ىرىكتەۋ جارىستارىنا قاتىسادى، - دەلىنگەن مينيسترلىك جاۋابىندا.
بۇگىنگى تاڭدا مينيسترلىك «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسىن ازىرلەپ جاتىر. وندا دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ بۇقارالىق سپورتتى دامىتۋ جانە سپورت تۇرلەرى بويىنشا ۇلتتىق قۇراما كوماندالارعا ارنالعان سپورت رەزەرۆىن دايىنداۋ بويىنشا جەرگىلىكتى اتقارۋشى ورگانداردىڭ جۇمىسىن باقىلاۋ بولىگىندە باقىلاۋ-قاداعالاۋ فۋنكسيالارىن جۇزەگە اسىرۋ بويىنشا قۇزىرەتىن كۇشەيتۋ كوزدەلەدى.