مالايزيا 2023 جىلى 4،5 ميلليوننان استام شەتەلدەگى مۇسىلمان ساياحاتشىلارىن قابىلداپ، مۇسىلماندار ءۇشىن ەڭ ۇزدىك تۋريستىك باعىت رەتىندە پوزيسياسىن ساقتاپ قالدى.
مالايزيا Mastercard-Crescentrating Global Muslim Travel Index رەيتينگىسىندە وسىمەن توعىزىنشى رەت ءبىرىنشى ورىنعا قول جەتكىزىپ وتىر، دەپ حابارلايدى Almaty-akshamy.kz Islam.kz پورتالىنا سىلتەمە جاساپ.
بۇل جايىندا islam.kz پورتالى ءوز كەزەگىندە TheSun.my اقپارات كوزىنە ءجون سىلتەگەن IslamNews سايتىنا سىلتەمە جاساي وتىرىپ ءمالىم ەتەدى. سونداي-اق، وڭتۇستىك-شىعىس ازياداعى اتالعان ەل مۇسىلماندارعا ارنالعان تۋريزم مەن قوناقجايلىلىقتى دامىتۋداعى قارقىندى كۇش-جىگەرىنىڭ ناتيجەسىندە ەكىنشى جىل قاتارىنان «Halal in Travel Awards 2024» («مۇسىلماندارعا قولايلى جىلدىڭ ەڭ جاقسى جەرى») اتاندى. بۇل تۋرالى وزبەكستانداعى تۋريزم مينيسترلەرىنىڭ 12ء-شى يسلام كونفەرەنسياسىندا سويلەگەن سوزىندە مينيسترلىكتىڭ باس حاتشىسى داتۋك رۋسلان ءابدىراحمان مالىمدەدى.
«دۇنيەجۇزىندەگى ەكى ميلليارد مۇسىلماندى قامتيتىن مۇسىلمان تۋريستىك نارىعى تۋريزم يندۋسترياسىنىڭ جاڭا جانە ماڭىزدى سەگمەنتىن قالىپتاستىرۋدا. بۇل يسلام ىنتىماقتاستىعى ۇيىمىنا (يكۇ) مۇشە مەملەكەتتەر ءۇشىن مۇسىلماندارعا قولايلى ونىمدەر مەن قىزمەتتەرگە ءوسىپ كەلە جاتقان سۇرانىستى قاناعاتتاندىرۋ ءۇشىن ستراتەگيالىق تۇرعىدان ءتيىمدى»، - دەپ قورتىندىلادى ول ءسوزىن.