مەملەكەت باسشىسى كونگو رەسپۋبليكاسى پرەزيدەنتىنىڭ ستراتەگيالىق ماسەلەلەر جانە حالىقارالىق ىنتىماقتاستىق جونىندەگى جەكە وكىلى فرانسۋازا ءجوليدى قابىلدادى
پرەزيدەنت قاسىم-جومارت توقايەۆ فرانسۋازا جوليگە ءىلتيپات بىلدىرە وتىرىپ، ونىڭ بۇل ساپارى قازاقستان مەن كونگو رەسپۋبليكاسى اراسىنداعى ءوزارا ءتيىمدى بايلانىستاردى دامىتۋعا دەگەن شىنايى نيەتتىڭ بەلگىسى سانالاتىنىن اتاپ ءوتتى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسى بيىل ەلدەرىمىز ديپلوماتيالىق قاتىناستاردىڭ 25 جىلدىعىن اتاپ وتەتىنىنە توقتالىپ، كونگو رەسپۋبليكاسىمەن ىقپالداستىقتى نىعايتۋعا دايىن ەكەنىن ايتتى.
ءوز كەزەگىندە فرانسۋازا جولي قۇرمەت كورسەتكەنى ءۇشىن قاسىم-جومارت توقايەۆقا العىس ءبىلدىرىپ، پرەزيدەنت دەني ساسسۋ-نگەسسونىڭ ىزگى تىلەگىن جەتكىزدى.
كەزدەسۋدە كونگو رەسپۋبليكاسى پرەزيدەنتىنىڭ قازاقستانعا جاسايتىن الداعى ساپارىنا قاتىستى ماسەلەلەر، سونداي-اق ەكىجاقتى ىنتىماقتاستىقتىڭ پەرسپەكتيۆتى باعىتتارى تالقىلاندى.